ROMA 10:1 - Susula Malalaok Hehelu Palak Ma Hehelu Beuk

¹ Tolano-tolanoo ngala lemin! Au ahiik alanseli, fo au hataholi ngala hapu nanasoi tefak. De au hule-haladoi te'e-te'e neu Manetualain soaneus.

ROMA 10:1 ပူးပေါင်းရင်းမြစ်များ

KELUARAN 32:10

Boso so'ba-so'ba mapanggengge Au. Au amanasas de Au sanga tao amopo-amates. Tehu neukose Au tao-a o ma o tititi-nonosim da'di leoina esa, matuaina.”

KELUARAN 32:13

Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

YEREMIA 17:16

Ou Manetualain, tehu ta la'i esa boen fo au akaseti O fa, fo fe namate-namopok neu sila. Au boeo ta hii, fo ela susa-soe-a la'e sila fa. O bubuluk ndia so Manetualain. O bubuluk hata fo O mafa'dak-ka.

YEREMIA 18:20

Natetu-nanda malole-a nanabalak nenik mangalauk-ka? Tehu sila kali bolok, fo ela au tu'da leo dalek neu. Mafandele dei, te au asala'e sila nai O matam, fo ela O boso mamanasa neu sila.

LUKAS 13:34

Yerusalem, Yerusalem! O lau mala taomisa basa nabi la, ma Manetualain hataholi nadedenu nala, tapas minik batu, losa mates. La'i de'u bee so, Au hii holu basa o lau mala, sama leo manu ina nasaluluku ana nala nai li'dan dale, tehu o ta nau fa!

YOHANIS 5:34

Au kokolak dede'ak ia la, ta hu ka nde Au paluu sakasii neme hataholi daebafa ka mai fa, tehu sue ka nde emi hapu maso'da.

ROMA 10:2

Au apalani kokolak ae, ala manggate lanseli tunga Manetualain. Tehu sila manggaten ndia ta tunga malelak maneme Manetualai na mai fa.

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

SEMUEL SUSULAK-KA ESAN-NA 15:35

Losa mate Semuel, te ta natongo seluk no Saul fa. Tehu Semuel dalen-na he'dis-sa, nanahu Manetualain nasasale dale, Ana so'u basa Saul da'di Israel manen-na so.