ROMA 1:25 - Susula Malalaok Hehelu Palak Ma Hehelu Beuk

²⁵ Ala nggati Manetualain fo ndoos ndia, ninik ai batu nanadoli-dulak. Ala ta sene-do'ok neu mana makadada'dik daebafa ka fa, te ala sene-do'ok ma lalalau-laoono hata manasapu lalo kala. Te se'ko na tunga ndo na soona, muse koa-kio mana makadada'dik ndia losa dodoo na! Amin.

ROMA 1:25 ပူးပေါင်းရင်းမြစ်များ

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

YESAYA 44:20

Tatao-nono'ik ndia, sama-na leo na'a afu. Hataholi ndia, dudu'a-aafi nggoan-na, ana taon-nan natofa-natalak, nalosa ana ta hapu tutulu-fafalik so'on. Ana ta hapu manaku, nae dodoki-dudulak fo manai liman dale ndia, ka'da tipu-daik mesan.

YEREMIA 13:25

Au aketu basa emi ua-nalem-mala leondiak so, nanahu emi mamahele neu lamatua daebafak masapepekok-kala.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

YOHANIS 2:8

Tutika Yesus nafa'das nae, “Ndui ma oe ndia faa anak, fo minin leo malanga feta neu.” Boema malalau la, ala ndui la oe ndia faa anak, de linin leo malanga feta neu,

ROMA 1:18

Manetualain natu'du nasa-melun neme nusa so'da ka, soaneu sala-singo ka, ma hataholi daebafa ka tatao-nono'i mangalau na, nana tatao-nono'i mangalauk sila la nde kena-ka'i hataholi daebafa ka fo boso lalelak Manetualain nanoli ndo na.

ROMA 1:23

Ala ta sene-do'ok neu Manetualain fo matea-mahelek ndia fa, te ala sene-do'ok neu ai batu nanadoki-dula kala, fo lalupa hata maso'dak, tehu hahae ta kala; ala doki-dulak las lalupa hataholi daebafak, manupuia, bana ei hak, ma bana manalo'do-lae ka.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

2 KORINTUS 11:31

Manetualain, fo Lamatuak Yesus Aman, Ana bubuluk nae, au ta pepeko fa. Koa-kio na'de na losa dodoo na.

EFESUS 3:21

Ela leo bee na Manetualain nanakoa-kiok neme bobongik-leo bobongik neu, nai hataholi kamahehele ka dalek, tunga Kristus Yesus. Kokoa-kikiok neu Manetualain losa dodoo na! Amin.

1 TESALONIKA 1:9

Basa hataholi sila la, ala kokolak la'eneu tao leo beek de, emi sipok ami nai lelek fo makahulu na, ami ne'i ndia. Ala kokolak la'eneu, tao lo beek de, emi tu'u-tapa heni emi sosongo-tatangom de emi mai leo Manetualain fo kisak ma maso'dak ndia, de emi sene-do'ok neun.

1 TIMOTIUS 1:11

Nanolik sila la, hapus nai au tui-benga Hala Malole a dalek, fo nde Manetualain fo matua-madema, ma nanakoa-kiok ndia, Hala Malole na.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.