ROMA 1:16 - Susula Malalaok Hehelu Palak Ma Hehelu Beuk

¹⁶ Au amahele Hala Malole ndia nana Hala Malole ndia nde bee na, Manetualain be'i-balakain nde ndia, soaneu Ana fe so'dak neu basa hataholi kamahehele kala lala'ena; makasososa na hataholi Yahudi a, boema leoina fe'e kala boe.

ROMA 1:16 ပူးပေါင်းရင်းမြစ်များ

MAZMUR 110:2

Neme Sion mai, neukose Manetualain tao namaloa o nusam-ma; koasa o musum-mala leona!

MAZMUR 119:46

Neukose au tui-benga O nakanenetem-mala neu mane-manek-kala, de neukose au ta hapu mamaek fa.

YESAYA 53:1

Leoina ndia nataa nae, “Neukose see, namahele hata fo, ami mamanene basan so? Nafa'da basa Manetualain koasan-na, neu see so?

YEREMIA 23:29

Au hala kokolang sama leo ha'i-a, ma sama leo makoa fo manatao makalulutuk batu-a.

MARKUS 8:38

Makanaema hataholi esa ana mae manaku Au ma Au nanoli nga nai le'do fai malenalanga-masa'basok ma mangalauk ia soona, Ana Hataholi ka boeo, neukose Ana mae manaku hataholi ndia nai lelek fo Ana Hataholi ka Ana mai no Aman koasa na, ma no ata nusa so'dak malalao nala.”

LUKAS 9:26

Metema hataholi a mae manaku Au ma Au nanoli nga soona, Ana Hataholi ka boeo neukose Ana mae manaku hataholi ndia nai lelek Ana fali ma'in no koasa na, ma no Ama ka koasa na, boema ata nusa so'dak fo malalaok koasa nala!

YOHANIS 7:35

Boema basa manakoasa Yahudi la esa kokolak no esa nae, “Te Hataholi ia, ana sanga neu leo bee neu, de nalosak nae, ita ta hapu tatotongo ton so'on? Ade, Ana sanga neu leo hataholi Yahudi manaleo nai nusadea, fo nai hataholi Yunani la dalek, fo sue ka nde nanoli hataholi Yunani sila la do?

HATAHOLI 3:26

Hu ndia de Manetualain hele Ata na fo nadenun Ana mai nakahuluk neu emi, fo ela Ana fe baba'e-papalak neu emi. Ana fe baba'e-papalak ndia, eno na nde, Ana tao na tolanoo kala tukatei-saledale neme emi maso'da mangalau ma eno dalan mai.”

ROMA 10:17

Hu ndia de hataholi a namahele, nana lamanene halak ma hala ka nananamanenek nana hapu hataholi tui-benga la'eneu Kristus.

ROMA 15:19

ma ninik manda'di beu kala ma dede'a matua ina la; basa sila la leme Manetualain Dula Dale na koasa na mai. Hala Malole la'eneu Kristu sa, au tui-benga basa-basan neu hataholi la, mulai neme Yerusalem losa Ilirikum.

ROMA 15:29

Metema au ne'i soona, tao leo bee o au nene'ing ndia, nini baba'e-papala ba'u neme Kristus soaneu emi.

ROMA 2:9

Basa hataholi manatao tatao-nono'i mangalau ka, neukose ala hapu ka'da toto'a-sosota ka ma doidoso ka; makasososa na hataholi Yahudi a, basa soona leoina fe'e kala boe.

ROMA 4:11

Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

1 KORINTUS 15:2

Metema emi ho'u mahehele hata fo au tui-bengak ndia soona, Hala Malole ndia soi-tefa na emi, ta'da fe'e metema emi mamahele ta no malelak fa.

1 KORINTUS 2:2

Nana au aketu basa ae, nai lelek fo au bei sama-sama o emi a, au ta kokolak hata-hata fa, te au kokolak la'eneu Yesus Kristus fo nanalona-nggange nisak ndia.

1 KORINTUS 2:4

Au anduku-alosak halak neu emi ndia, ta no dede'a-kokola makee-mamina, do tunga hataholi daebafa ka manatee teno na fa. Te au anduku-alosa kana ninik enok fo ana da'di buti nae, Manetualain Dula Dale na manakoasa.

1 KORINTUS 9:12

Metema hataholi fe'e kala lanuu hak lamahena hapu neme emi mai, ade ami ta nde manuu hak lena seluk neme sila mai fa do? Tehu au beita nau pake hak ndia fa. Nasafali na, au nau anseli lu'a-lepa basa hata lala'ena, neme au tao hata esa napangge au fo boso tui-benga Hala Malole la'eneu Kristu sa.

1 KORINTUS 9:18

Metema leondiak soona, au ngga'di nga beek? Au ngga'di nga nde au hapu tui-benga Hala Malole ndia ninik au ta tao ambela hataholi esa boen, fo hani pake au, nana au ta akaseti au hak ka da'dileo manatui-benga Hala Malole ndia fa.

2 KORINTUS 2:12

Nai lelek au losa Troas no dudu'ak soaneu tui-benga Hala Malole la'eneu Kristus te, Lamatua ka soi enok basa fe au fo aue-ale'di nai mamanak ndia so.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

2 KORINTUS 9:13

Ma neme tatao-nono'i malole fo emi matu'dun ndia, hataholi Salanik ba'u ka nai Yudea, neukose ala koa-kio Manetualain, nana lita emi mamahele ma emi lilineka ma ba'u na seli neu Hala Malole la'eneu Kristus. Sila boeo koa-kio Manetualain, nana emi dale ma malole nanseli soaneu baba'e neu sila ma neu basa hataholi fe'e kala, hata fo emi manuun.

GALATIA 1:7

Tunga ndo na, ta hapu “hala malole fe'ek” fa. Te hapu ka'da hataholi tui-benga fe emi “hala malole” fe'ek la'eneu Kristus. Fo ala tui-benga popo'de-papaik de, nalosa ala tao tasibu emi.

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

1 TIMOTIUS 1:11

Nanolik sila la, hapus nai au tui-benga Hala Malole a dalek, fo nde Manetualain fo matua-madema, ma nanakoa-kiok ndia, Hala Malole na.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

2 TIMOTIUS 1:16

Tehu Onesiforus uma isi nala, ala tao la au amahoko la'i de'ubee so. Ela leo bee na, Lamatua ka natu'du susue-lalain neus. Nana leomae au nai bui dale, tehu Onesiforus, ana ta mae au da'di hataholi bui fa.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

1 PETRUS 4:16

Tehu metema emi doidoso nanahu emi hataholi Salanik, soona boso bii-mae, hu dede'ak ndia. Moke makasi neu Manetualain mae, emi doidoso hu ka nde emi mini Kristus na'de na.