ROMA 1:13 - Susula Malalaok Hehelu Palak Ma Hehelu Beuk

¹³ Tolano-tolanoo ngala lemin! Au nau emi bubuluk nana la'i ba'u ka, au dodoo ae ne'i donge-dama emi, tehu au ta hapu loak makandondook fa. Nana au nau au ue-osang nini buna-boak fe emi, sama na leo hataholi ta Yahudi fo manaleo nai mamana fe'e kala boe.

ROMA 1:13 ပူးပေါင်းရင်းမြစ်များ

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

YOHANIS 12:24

Au dede'ang ia, tete'e ka la'en: Makanaema ha'de de'ek esa, ta selen leo dae dale neu, fo ha'de de'ek ndia po'o fan, soona neukose ana da'di de'ek esa nahele. Tehu makanaema ha'de de'ek ndia po'on nai dae dale, soona besa ka ana moli, fo nabuna-naboa ha'de de'e ba'u.

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

YOHANIS 4:36

Hataholi manaketu-kolu ka ana mulai sipo ngga'di na so. Boema ana tao nakabubua basa buna-boan lala'ena, soaneu so'da matetu ka, ma manaketu basa ta ka. Fo hataholi manasele-nggali ka no hataholi manaketu-kolu ka, lamahoko sama-sama.

HATAHOLI 1:15

Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

HATAHOLI 14:27

Lelek ala losa Antiokia, boema lalo lakabubua basa mamasok ndia salani nala de ala tuis, basa hata fo Manetualain tao-no'in tunga sila dua. Boeo ala tuis la'eneu tao leo beek de, Manetualain soi enok fe hataholi ta Yahudi la fo lamahele Yesus.

HATAHOLI 15:12

Boema basa hataholi mana makabubuak manai sila la, basa-basas bedenge. Basa boema, ala nenene Paulus no Barnabas tui seluk basa manda'di beuk ma dede'a matuaina, fo Manetualain taon tunga sila, nai leoina fe'ek fo hataholi ta Yahudi la tala'da.

HATAHOLI 19:21

Basa manda'dik sila la late'e boema, Paulus ho'i nakeketuk fo neu leo Makedonia ma Akhaya neu, fo basa soona, nakandoo leo Yerusalem neu. Paulus nae, “Au u leo naa u fo basa soona, au muse u leo Roma u boe.”

HATAHOLI 21:19

Ami mate'a basas boema, Paulus tuis basa hata fo Manetualain tao-no'in tunga ndia lau-onon nai hataholi ta Yahudi la dalek.

HATAHOLI 28:14

Ami matongo mo hataholi kamahehelek neu Yesus de'ubee lai kota ndia, de loke ami meu leo mos mamasok esa dale na. Boema ami meu leo Roma meu.

ROMA 1:12

Nana tunga au dudu'a nga nde bee soona, hu ka nde ita basa-basa-tala tamahele Yesus Kristus so, de ita esa natetea-nahehele esa.

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

ROMA 7:1

Tolano-tolanoo ngala lemin! Emi bubuluk basa hoholo-lalane kala so. Hu ndia de emi bubuluk, metema hataholi a bei naso'da soona, hoholo-lalane ka koasa hataholi a.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

1 KORINTUS 10:1

Tolano-tolanoo ngala lemin! Ela leo bee na mafandendelek, hata fo ana da'di neu ita bei ba'ikai nala, lelek fo ala tunga Musa. Ko'a sa nasulu-nahapa na la'iesa kasa, de ala lena lala Tasi Pila sa selik no so'da-molek.

1 KORINTUS 12:1

Besak ia la'eneu baba'e-babatik fo Manetualain Dula Dale na fe kala. La'eneu dede'ak ia la soona, au nau tolanoo ka bubuluk ndoo-matetun.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

1 KORINTUS 14:26

Da'di tolano-tolanoo ngala lemin! Basa sila la sosoa-ndandaan beek? Metema emi makabubua fo sene-do'ok neu Lamatua ka soona, nggelok lakamee, nggelok fe nanolik, nggelok tui-benga hata esa neme Manetualain mai, nggelok kokolak nai dede'a matabeu kala dalek, ma nggelok lafa'da mangalele'do sosoa-ndandaan. Tehu basa sila la muse tao-no'in soaneu lanoli ma soaneu sila basa-basas malole na.

1 KORINTUS 9:2

Leomae hataholi fe'e kala, ala ta nau manaku au da'dileo hataholi nadedenuk fa, tehu emi manaku dede'ak ndia! Nana emi maso'dam da'dileo hataholi kamahehele ka nde bee na, ana dadi buti neme au ue-osang buna-boan da'dileo hataholi nadedenuk esa.

2 KORINTUS 1:8

Tolano-tolanoo ngala lemin! Ami nau emi bubuluk la'eneu toto'a-tataak fo ami la'ola'din nai nusa Asia. Doidosok fo ami lu'a-lepak ndia, ana ne'e nambela ami de nalosa ami ta mamahena neukose maso'da so'ok;

2 KORINTUS 2:14

Tehu makasi neu Manetualain! Ana hela-nole ami tataas esa, fo ami la'ok nai Kristus eno sesengi na, hu ka nde ami maso'da da'di esa mon. Manetualain pake ami, fo ela halak la'eneu Kristu sa namaloa sama leo kaboominik fo nabomini leo basa mamanak lala'ena neu.

GALATIA 3:15

Tolano-tolanoo ngala lemin! Malole lenak au pake nakandandaak neme ita maso'da mandoo fai na mai. Metema hataholi esa, naheluk no hataholi esa, fo ala paku lisa hala heheluk ndia soona, ta hapu hataholi esa boen, tao nakamate hala heheluk ndia, do tama seluk dede'a beuk neu hala heheluk ndia.

GALATIA 6:18

Ela leo bee na, ita Lamatuan Yesus Kristus fe tolanoo kala, baba'e-papalak tataas esa. Amin. Ha'da-holomata neme ami, Paulus

FILIPI 1:22

Tehu metema no au maso'dang nai daebafa ia, au bei hapu tao-no'i tatao-nono'i masosoa-ndandaak lena seluk bai soona, au ta bubuluk hele bee ka fa.

FILIPI 4:17

Ndia ta nanuu sosoak nae, au hii ka'da sipo emi fe fee ma fa. Fo au ahii ka nde, fo ela au ita buna-boak fo ana boetai tama fe emi nanalak.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

KOLOSE 1:6

Halak maneme Manetualain ndia, nakapepela leo basa daebafa ka lala'e na, boema halak ndia, nini baba'e-papalak nakandoo fe hataholi a so'da na, sama leo emi hapu baba'e-papalak mulai neme lelek fo emi mamanene ala tui-benga Manetualain susue-lalain neu emi a.

1 TESALONIKA 2:18

Ami dodoo mae, ami sanga meu donge-dama emi de au soba hain la'i esa do la'i dua so, tehu Nitu a napanggengge nahele ami.

1 TESALONIKA 4:13

Tolano-tolanoo ngala lemin! Ami nau emi bubuluk matalolole, hata da'di soaneu hataholi mana mate basa kala; fo ela emi dale ma boso he'di sa, sama leo hataholi fo ala ta lamahena leo lakabubua lo Manetualai na fa.

2 TESALONIKA 2:7

Emi bubuluk mae, Hataholi Mangalauk fo mana tao tatao-nono'i mangalauk ndia, ana mulai tao-no'i no nafufunik, nana hapu hata esa napangge nan. Tehu mahani te, metema fai na losa fo Manetualain tipa heni mana mapanggenggek ndia soona,

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.