RATAPAN 5:7 - Susula Malalaok Hehelu Palak Ma Hehelu Beuk

⁷ Ami bei-ba'i kaim-mala lasala-lasingo, besak ia, taak-kasa so; tehu ami muse doi-doso, nanahu sila sala-singon-nala.

RATAPAN 5:7 ပူးပေါင်းရင်းမြစ်များ

KEJADIAN 42:13

Ala lataa lae, “Ami ia, hataholi sanahulu dua, tolanook-kala Tuan, ami ama esa, de nai nusa Kanaan-na. Mate esa so, ma mate'a teisu'uk-ka, besak ia no ami amam nai Kanaan.”

KEJADIAN 42:36

Boema sila aman nafa'da nae, “Emi nde taom-ma au amopo basa au anang-ngala. Yusuf tak-kana so; Simeon tak-kana seluk so; ma besak ia, neukose emi ho'i-ma Benyamin boe. Au doi-dosong ba'un-na seli!”

AYUB 7:21

Ade, O ta hapu fe do'o do ampon neu au sala-singong fa do? Ade tean-na seli, soaneu O koka heni au salang-nga do? Dodoo faa te, au akandondoo nai lates dale, de metema, O sanga au soona, neukose O ta hapu au fa.”

AYUB 7:8

Besak ia, O mita au – tehu, ndia ta dook-ka fa. Metema, mahani te O sanga au, soona au taang-nga so.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

YEREMIA 14:20

Manetualain, ka'da ami masala-masingo basa neu O. Ami manaku aom ami sala-singom-mala ma ami bei-ba'ikaim-mala sala-singon-nala.

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 16:12

Tehu emi tao-no'i mangalauk lena selukai. Emi malanga batu ma emi nau tunga ka'da emi hihii-nanaun mesam-ma fo mangalauk ndia. Emi ta nau mamahele Au fa.

YEREMIA 31:15

Manetualain nafa'da nae, “Hala kiki-makaleleuk-ka lamanenen nai Rama, ma pinu idu lumatak-ka nai tei susa-dale he'dik-ka dalek, Rahel kii-makaleleu anan-nala, ana ta nau kokoe-nanasi fan nana ndia anan ta so.

YEREMIA 31:29

Neu faik ndia te, neukose hataholi-la ta lafa'da seluk so'on lae, ‘Hataholi lasik-ka la'a ai boa makeis, sila anan-nala lame'da nisin-na mangu.’

YESKIAL 16:58

O muse doi-doso, fo da'di leo babalak esa neme o tatao-nono'i manggenggeok, ma nanamaluak ndia mai. Au, fo Manetualain, nde manakokolak-ka.”

YESKIAL 18:2

“Tao le'e de, ala kokolak dede'a bini-a nakandoo, nai nusa Israel-la? ‘Ina-amak, la'a angol makeis, tehu anak-kala, nisin-nala nde makeis-sa.’

ZAKHARIA 1:5

Besak ia, emi bei-ba'i kaim ma nabi sila-la lai bee? Tak-kasa so.

BILANGAN 14:18

‘Au, fo Manetualain, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’