RATAPAN 5:21 - Susula Malalaok Hehelu Palak Ma Hehelu Beuk

²¹ Ou Manetualain, moo falik ami leo O mai; neukose ami fali ma'im-ma leo O mai! Tao falik ami ha'da-tataom sama leo makahulun-na.

RATAPAN 5:21 ပူးပေါင်းရင်းမြစ်များ

1RAJA-RAJA 18:37

Mataa leon, Manetualain! Mataa au leona, fo ela laun ia la bubuluk lae O nde been-na Manetualain, ma lae O nde tao ma sila fali leu O mai.”

MAZMUR 80:19

Soona ami ta heo meme O mai so'on; manea ami so'dam-ma, soona neukose ami koa-kio O.

MAZMUR 80:3

nai Efraim, Benyamin ma Manasye matan-nala. Matu'du O koasam-ma neu ami, ma mai leona, fo soi-tefa-mala ami.

MAZMUR 80:7

O po'ilotak leoina titia-tataik-kala lale'a la'eneu ami daem-ma ami musum-mala hika no namahoko-seteleek.

MAZMUR 85:4

O ta mamanasas so'on; O hela falik, O nasa-melum matuainam-ma.

YESAYA 60:20

Neukose hapu le'do fo, ana ta tenak nita, ba'eneu o, ma bulak fo, ana ta tenak nita fa. Nana Au fo Manetualain nde da'di mangale'do manaketu basa tak, ba'eneu o neukose o fai fafalum-ma nate'e.

YEREMIA 30:20

Neukose Au tao-a emi leoinam-ma ma lolole-lanapu sama leo makahulun-na, ma ala da'di lasafali sama leo Au anang-ngala. Basa manatuni-ndenis-sala neukose Au hukus boe.

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

YEREMIA 33:10

Manetualain nafa'da nae, “Hataholi-la lafa'da lae, mamanak ia sama lao mook-solokaek-ka, de ta hapu hataholi do bana-manu leo lai ndia fa. Sila hala-kokolan-nala memak tete'ek-ka, nana Yehuda kotan-nala ma eno-enok manai Yerusalem louk-kala beno'u so; ta hapu bana-manu do hataholi leo lai ndia fa.

YEREMIA 33:13

Basa manafoo-la leke seluk sila bi'ilopon-nala nai kota-kota manai letelepak-kala, letelepak-kala huun-na, nggolo-ta'duk manai Yehuda boboan kona, ma nai Benyamin dae paletan-na, boema nggolo-ta'duk manai Yerusalem boboa-kaisun, ma nai Yehuda kotan-nala. Au, Manetualain, nde manakokolak-ka.”

YESKIAL 36:37

Manetualain Fo Mademaina, nafa'da nae, “Hai leoina Israel-la lemin, Au fe emi loak seluk, fo moke tutulu-fafalik neme Au mai; neukose Au fe mamade'u, sama leo bi'ilopo bubuak-kala.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

MALEAKHI 3:4

Boema sama leo nai tepo-lelek makahulun-na, neukose Manetualain nahiik tutunu-hohotuk fo laun Yehuda, ma laun Yerusalem-mala tunu-hotuk-ka.