RATAPAN 5:17 - Susula Malalaok Hehelu Palak Ma Hehelu Beuk

^17-18 Lete Sion-na nee-nee lino-lino ma nanala'oelak; busa fuik-kala tonggela nai naa. Hu ndia de, ami dalem-ma nakalulutuk, ami kii losa ami mata memetem-ma da'di keluha'buk.

RATAPAN 5:17 ပူးပေါင်းရင်းမြစ်များ

AYUB 17:7

Au matang-nga keluha'buk-ka, nanahu kikii dale he'dik-ka; nalosa au mangalo'do anseli.

MAZMUR 31:9

O ta po'ilotak musu-a, tao au da'di hataholi nanafook fa, tehu O fe au loak, fo la'ok no ao loak.

MAZMUR 38:8

Sumaik-ka, ana hotu au aopaang-nga, ta hapu so'da-la'dak nai au aopaang-nga fa.

MAZMUR 6:7

Au sota-mangu nanahu hoo-nggu'uk-ka; tunga-tunga le'odaen-na, au luu oeng-nga faa nakadoe au pepe'ung-nga.

MAZMUR 69:3

Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

RATAPAN 1:22

Taoafik neu basa sila tatao-nono'i mangalaun sila, ma taos sama leo O tao au, nanahu basa sala-singok fo au taon soaneu O. Au ahoo nai doidosok dale, au daleng-nga he'dis-sa ma male-tale.”

RATAPAN 2:11

Au matang-nga peta, nanahu ta hahae kikiik-ka fa, au samaneng-nga doi-doso nanseli. Au daleng-nga nakalulutuk mete leoina tutu'dan-na; mete ni'iana-la boema ni'iana manasu'uk-kala sapala'o nai kota enon-nala.

YESKIAL 21:15

Ana tao-na Au leoinang-nga mopo palanin-nala, de ala tu'u fo'a. Au fe nasanene'dak mahelek neu sila kotan-na, nenik tafaina fo isin-na, nangale'do sama leo ndelas-sa, ma naheheleaon fo nado'do-napau ndia.

YESKIAL 21:7

Metema latane o lae, tao le'e de o mahoo soona, mafa'da mae o dalem-ma he'dis-sa, nanahu halak esa, neukose ana mai. Metema halak ndia, ana losa soona, neukose ana tao-na dalen-nala makasufu; liman-nala lakamate, ma lungulangan-nala dele bee-too, ma neukose mopo manggaten-nala. Tete'ek-ka, fain-na losa so, de neukose basa sila-la, ala da'di. Au, Manetualain Fo Mademaina, nde manakokolak-ka.”

IMAMAT 26:36

Emi hataholim manai mamana okak nusa fe'ek-kala, neukose Au tao-alas ala bii-lamata'u lanseli, nalosa anin-na fuu akidook-ka fo nangguu boeo, ala bii fo lalai. Neukose emi malai, nono'kabai ala usi emi nai natee-natatik dale, boema emi tu'u-fo'a, leomae ta hapu musu deka no emi fa.

MIKHA 6:13

Besak ia, Au mulai fepa ma tao akalulutuk emi, nanahu emi sala-singom-mala.

ULANGAN 28:65

Nai leoina sila-la tala'da, neukose emi ta hapu tetu-temak-ka, ma emi ta hapu mamanak esa boen, fo emi mafa'da mae, emi dae pusakam ndia fa; neukose Manetualain taon-na emi dalem-ma ta tesa-tama fa, ma ketu emi namahehenam-ma.