RATAPAN 4:22 - Susula Malalaok Hehelu Palak Ma Hehelu Beuk

²² Sion nakalala'ok huhukun-na, soaneu sala-singok fo ana taok-ka so; besak ia, neukose Manetualain ta po'Ilotak ami ma neukose ta no seluk ami leo mamana tu'u-tapak dalek neu so'on. Tehu o, hai Edom, neukose Manetualain huku o. O sala-singom neukose nanabukak.

RATAPAN 4:22 ပူးပေါင်းရင်းမြစ်များ

MAZMUR 137:7

Ou Manetualain, mafandendelek hataholi Edom-mala tatao-nono'in, nai lelek, Yerusalem nanatao namopo-namatek-ka. Lafa'da lae, “Tao matu'un leona, tao matu'un losa uma laten-na!”

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 60:18

Neukose ta hapu seluk halak, la'eneu naseti-nalakak nai o nusam-ma fa, la'eneu nakalulutuk, ma manandefak nai o dae baba'em-ma fa, Neukose Au asulu-ahapa o, sama leo papala nanadamak-ka, fo neukose, o koa-kio Au, da'di leo o manasoi-manatefam.

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

YEREMIA 33:7

Yehuda ma Israel neukose Au taos lalole-lanapu sama leo makahulun-na, ma neukose ala lapadeik lasafali da'di leo Au anang-gala.

YEREMIA 33:8

Neukose Au tao balisis neme sala-singok fo ala tao basak-ka soaneu Au-a; sila sala-singon-nala ma tutu'da-momonun-nala neukose Au fes do'o-do ampong.

YEREMIA 49:10

Tehu Au sapu balisi Esau tititi-nonosin hata-heton-nala ma Au afa'da sila mamana nafuni-nala; Sila ta hapu lafuni ao paan-na seluk. Hataholi Edom sama-sama loo tolanon-nala, ma titia-tatain-nala nanatao mate mopok ta ela esa boen fa.

YEREMIA 50:20

Nai fain ndia Israel ma Yehuda balisi neme sala-singok-ka mai, hu ka nde Au fes do'o do ampon neu hataholi fo Au tulu-falis-sala, Au, Manetualain de manakokolak-ka.”

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

RATAPAN 4:6

Au anang-ngala nanahuku basak so belan-na lena heni laun Sodom fo ka'da nai hatematak esa mesak-kana nakalulutuk neme Manetualain liman-na mai, te ta nenik hataholi daebafak-ka nakeketun-na fa.

YESKIAL 37:28

Metema, Au Umang-nga nai sila tala'da heon losa dodoon-na, soona besak-ka leoina fe'ek-kala bubuluk, lae Au Manetualain, hele basa Israel da'di Au anang mesang so.”

YESKIAL 6:12

Neukose, sila basa-basas lame'da lita Au nasa-melung nininin-na. Hataholi manai mamana dook-kala, fonde mamana tu'u-tapak, neukose ala tu'u he'dis, boema mates; hataholi manadekak-kala, neukose ala mate nai natee-natatik dale, ma bei elak-kala, neukose mates hu kande la'a-ndoes-sa.

OBAJA 1:10

“O tao balakaik neu o tolanoom-mala, fo Yakob tititi-nonosin-nala so. Hu ndia de neukose mopo-mate o, ma hataholi nakamu-nakadau o losa dodoon-na.

MALEAKHI 1:3

te Au ta hii Esau fa. Au tao akalulutuk Esau nggolo mapupukun-na so, ma Au fe daen-na, leo bana makaa-makisuk-kala lai moo solokaek-ka.”

MALEAKHI 1:4

Leouni'ka, Esau tititi-nonosin, fo hataholi Edom sila-la lae, “Ami kotam-mala, nanatao nakalulutu basak so, tehu neukose ami mafofo'a falik-kana,” soona neukose, Manetualain nataa nae, “Sila bole lafofo'a falik-kana, tehu neukose Au tao atu'un. Neukose lokes soona lae, ‘Nusak nanasoo-supak’, ma loke sila soona lae, ‘Leoina manahapu Manetualain nasa-melun, losa dodoon-na.’ ”