RATAPAN 4:21 - Susula Malalaok Hehelu Palak Ma Hehelu Beuk

²¹ Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

RATAPAN 4:21 ပူးပေါင်းရင်းမြစ်များ

KEJADIAN 36:28

Leo Us ma Aran, bei-ba'i kain nde Disyan.

2TAWARIKH 28:19

Hu kande Ahas fo manek Yehuda la'oela Manetualain ma ana paleta laun-na ta no malolen-na fa, boema Manetualain fe toto'a-tataak neu Yehuda.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

MAZMUR 137:7

Ou Manetualain, mafandendelek hataholi Edom-mala tatao-nono'in, nai lelek, Yerusalem nanatao namopo-namatek-ka. Lafa'da lae, “Tao matu'un leona, tao matu'un losa uma laten-na!”

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

YEREMIA 49:12

Hataholi fo ta nandaa huhukuk fa neukose ana hapu huhukuk boe, tao le'e de o ta? neukose o hapu huhukuk!

YEREMIA 49:7

Manetualain nafa'da nae leo ia neu Edom, “Ade hataholi Edom-mala ta hapu dudu'a-aafi neulauk fa? Hu beek nde emi manatee-tenom-mala ta fe seluk emi dudu'a-aafik! Basa sila eno dalan so!

YESKIAL 25:6

Manetualain Fo Mademaina, nafa'da nae, “Emi totoko lima, boema emi foti-longe. Emi makadadaek dae Israel-la.

YESKIAL 25:8

Manetualain Fo Mademaina, nafa'da nae, “Moab nafa'da nae Yehuda ndia, sama leo leoina fe'ek-kala boe.

YESKIAL 26:2

“Hai hataholi daebafak fo, manasapu-manalalok-konei, Tirus laun-nala ala eki, boema lafa'da lae, ‘Yerusalem nakalulutuk so! Ana ta dangan so'on, nanahu ana tu'da so! Ana ta da'di musu nai ita dangan dale so'on!’ ”

AMOS 1:11

Manetualain nafa'da nae, “Laun Edom-mala lasala-lasingo tataas esa so, hu ndia de, tao leo bee-o, neukose Au hukus. Leu latee-lata'ti no dale susue-lalai tak loo hataholi Israel fo sila tolanoon-nala. Lamanasa lakandoo ma lape'da dalek lahele.

OBAJA 1:1

Nabi Obaja nafa'da ela-ka nde ia. Nanduku-nakalolosak Manetualain Fo Mademaina hala hehelun-na la'eneu leoina Edom-ma. Manetualain haitua basa hataholi nadedenu-na neu leoina-la, de ita tamanene basa neni hala heheluk-ka nae leo ia, “Maheheleaom leona, fo matee-mata'ti! Mai fo teu sapu-ta Edom.”

MIKHA 1:11

Emi laun Safir-ra, la'o no makaholak, ma bibii-mamaek leo mamana tu'u-tapak neu! Hataholi Zaanan-nala, ta lapalani kalua leme sila kotan-na mai fa. Laun Bet-Haezel-la, honggu'un natu'du emi nae nai naa, ta hapu nasulu-nahapak so'on.

HABAKUK 2:16

Besak ia, o baba'em-ma losa, soaneu nananakamamaek, te ta soaneu nanafe ha'da-holomata fa. Neukose O ha'da-holomatam, nasafali da'di nananakadadaek. Neukose Manetualain laka o minu neme nggalas fo isin-na huhukuk. Neukose o minun fo maleu-lilok.

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”