RATAPAN 3:58 - Susula Malalaok Hehelu Palak Ma Hehelu Beuk

⁵⁸ O mai masala'e au dede'ang-nga, ou Manetualain, O soi-tefa-ma au so'dang-nga so.

RATAPAN 3:58 ပူးပေါင်းရင်းမြစ်များ

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

AYUB 35:14

Ayub, nakalenak bai, metema o mafa'da, mae o ta mita fan, ma o mae o dede'am-ma, nai matan-na so, de o mahani talu-talu mon!

MAZMUR 103:4

Ndia nde, soi-nala o so'dam-ma, neme lates dale mai, de Ana fe o pake ti'ilanga manek-ka, nenik susue-lalaik ma dale kasian.

MAZMUR 34:22

Hataholi manatao tatao-nono'i mangalauk-ka, neukose maten nanahu tatao-nono'i mangalaun-na, Hataholi fo, nape'da dale nasak hataholi manatao dede'a malole-a, neukose nanahukuk.

MAZMUR 71:23

Au eking-nga henuk no namahokok, ma au akamee, nakamee kokoa-kikiok ba'eneu O Au aopaa-samaneng, nakamee no namahokok, nana O soi-tefa basa au so.

MAZMUR 9:5

Nana O paleta, da'di leo manakee-manafula, fo ndoos ma matetuk; O masala'e basa au dede'ang-nga so.

YESAYA 51:22

O Manetualain-ma, nafa'da nae leo ia, Emi Amam Manetualain, fo nasala'e emi, “Doidosok fo Au fen nai Au nasa-melung dale-a, neukose Au ho'i falik-kana, neme o mai. Neukose Au nasa-melung tenak, de emi boso boe, lu'a-lepa bain.

YEREMIA 11:20

Boema au hule-haladoi ae, “Ou Manetualain Fo Manakoasa, O manamaketu-mala'dik fo matetuk; O nde so'ba-su'di dudu'a-aafik-ka ma hataholi-la dalen-na. Au dede'ang ia Au fen leo o-a neu. Ela leo been-na o nde ito mutang O bala hataholi-hataholi sila-la tatao-nono'in-nala.”

YEREMIA 31:11

Au se'i po'i hataholi Israel, ma Au soi-po'is neme leoina mabe'i-balakaik-ka mai.

YEREMIA 38:13

Boema ala le'a au lo lain, kalua neme oedolu ndia mai. Basa ndia boema au nanatahan nai uma manek ndia so'dan-na.

YEREMIA 50:34

Tehu Au manatulu-fali sila-la mahelek, Au na'deng-nga Manetualain Fo Manakoasa. Au mesang-nga nde ho'u sila dede'an-nala, ma Au fe so'dak leo daebafak-ka. Tehu neukose Au fe musu ma bibik neu hataholi Babel-la.”

YEREMIA 51:36

Hu ndia de Manetualainnafa'da neu Yerusalem laun-nala nae, “Neukose Au ho'u emi dede'a ma fo Au balas falik musu-la tatao-nono'i fo ala tao neu emi. Oe mata-la ma lee-la neukose Au tao ama'das.

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.