RATAPAN 3:37 - Susula Malalaok Hehelu Palak Ma Hehelu Beuk

³⁷ Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

RATAPAN 3:37 ပူးပေါင်းရင်းမြစ်များ

2 SEMUEL 16:10

Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

1RAJA-RAJA 22:34

Solda'du Siria esa ta name'da fa te napo'iheni kokou isin-na. Tehu kokou isik ndia la'e Ahab de ana tola ba'du musu na nai ba'du seseu natuti na. Ahab bouk manaho'u kaleta na nae, “La'e au! Po'de falik kaleta fo moo au kalua eme natee-natati ka dalek mai!”

2RAJA-RAJA 6:33

Elisa beita kokolak nate'e fa te, manek-ka losa nai ndia so, de nae, “Manetualain nde fe susa ia, tunin-na ita! Da'di, sosoak hata, au amahena tutulu-fafalin bai?”

AYUB 10:13

Tehu besak ia au bubuluk ae sekom-ma basandia, te no denge-dengek, O tutu'u au fai soeng-nga.

AYUB 2:10

Ayub nataa nae, “O kokolak sama leo hataholi nggoak-ka kokolan-na! Masa bole, ita nau sipo ka'da hata, fo malole neme Manetualain mai, te hata fo ta malole-a, ita ta nau sipo fan?” Da'di, leomae Ayub hapu basa susa-soe sila-la lala'en-na, tehu ana ta kokolak dede'a-kokolak fo la'ban Manetualain fa.

KELUARAN 10:10

Manek-ka nae, “Au ta bisa po'i emi moo inak-kala, ma emi anam-mala fa! Hata fo emi moken ndia, ka'da sama leo emi mamahena au oke Manetualain, fo Ana ba'e-pala emi. Mangale'dok ba'eneu au so, nae emi manuu dudu'a mangalauk.

AMSAL 16:9

Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

ROMA 9:15

Nana Manetualain nafa'da Musa nae, “Au atu'du susue-lalaik neu hataholi fo Au nau atu'du Au susue-lalaing neun, ma neukose Au atu'du Au dale kasia nga neu hataholi fo Au nau atu'du Au dale kasia nga neun.”

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.