RATAPAN 3:25 - Susula Malalaok Hehelu Palak Ma Hehelu Beuk

²⁵ Manetualain malole neu hataholi fo namahena neun, ma neu hataholi fo ana sangan.

RATAPAN 3:25 ပူးပေါင်းရင်းမြစ်များ

KEJADIAN 49:18

Ou Manetualain, au ahani talu-talu neu so'da-molek fo, O fee-ka.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 19:3

Leomae leondiak boe, bei hapu hata malole nai Ama Manek. Ama Manek si'uheni basa lamatua daebafa Inak Asyera dodoki-dudulan fo laun-na sene-do'ok-ka ma Ama Manek boeo sanga enok soaneu maso'da tunga Manetualain hihii-nanaun.”

2TAWARIKH 30:19

“Manetualain, fo ami bei-ba'i kaim-mala sene-do'ok-ka, ela leo bee na neme O dale malolem-ma, O fe do'o do ampon neu sila fo ala sene-do'ok neu O nenik dale katematua-nala, leomae ala beita tao lalalao-lalalafu aoinan-nala fa.”

2TAWARIKH 31:21

Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

EZRA 8:22

Au ta apalani oke manek-ka, solda'du manasa'e ndalan, fo nasulu-nahapa ami neme musu-a mai, nai ami leleo-lala'om-ma dalek. Nana, au afa'da basa, ae ami Manetualaim-ma, Ana ba'e-pala hataholi see fo, ana sene-do'ok neun, tehu Ana huku hataholi see fo, nape'da dale nasak-kana, ma ta lilineka neu fan.

MAZMUR 105:3

Ndia nde Manetualain Fo Malalao-malalafuk nanseli; mamahoko leona, nana Ndia nuun ita, basa manasene-do'ok-kala ela leo bee-na, mamahoko-setelee.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 25:8

Nana Manetualain malole, ma ndoos ma matetuk, Ana natu'du enok soaneu hataholi manala'ok sala enok-ka.

MAZMUR 27:14

Mamahena neu Manetualain, matetea-mahehele o dalem-ma; hei, mamahena neu Manetualain leona!

MAZMUR 27:8

O mafa'da mae, “Mai leona fo sene-do'ok Au.” Au ataa ae, “Au mai no lai-laik, ou Manetualain;

MAZMUR 37:34

Mamahena neu Manetualain, ma tunga paletan-na, soona Ana so'u o, fo o manuu dae ndia; neukose o mita hataholi mangalauk-ka nanatao namopo-namatek.

MAZMUR 37:7

Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

MAZMUR 39:7

so'dan-na sapu-lalo sama leo salaok-ka. Ana nakalupu ka'da hata fo, sosoa-ndandaan ta; ana nakaduduluk hata-heto, tehu ana ta bubuluk see kande pake-nggao-nana fa.

MAZMUR 61:1

Soenau mauli-malangan nakameek. Nenik nakamina kecapi. Neme Dauk mai.

MAZMUR 61:5

Nemen-na fo nai au fai maso'dang-nga dalek, au leo nai O lalaa temam-ma, fo ela nee-nee lino-linok nai O li'da kapam dale.

MAZMUR 69:32

Nai Manetualain mata memeten-na ndia nde malole lena tutunu-hohotu sapi mane, ma tutunu-hohotu sapi mane anak.

MAZMUR 71:14

Tehu au amahena tataas esa neu O, ma boetai koa-kio O.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 26:9

Au samaneng-nga, nahiik natongo O tataas esa, nai fai le'odaen, ma no dalek-katema tuak, au sanga O nai fai fafain-na. Mahani te, metema O maketu-mala'di daebafak-ka soona, neukose laun manai daebafak-ka, ala bubuluk hata fo ndoos-sa.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

YESAYA 64:4

Beita hapu, hataholi namanene hai, ma beita hapu, hataholi nita hai, nae fe'ek neme O mai, hapu manetualain fe'ek fo, ana tao-no'i ba'eneu hataholi fo, namahena neun.

RATAPAN 3:26

Da'di, malole lenak ata tahani no nee-nee lino-linok losa Manetualain Ana mai fo fe tutulu-fafalik;

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

1 TESALONIKA 1:10

Boeo ala kokolak la'eneu, tao leo beek de, emi tao emi mamahehena ma neu Manetualain Ana na mamain neme nusa so'da ka mai, fo nde Yesus, fo Manetualain tao naso'da fali kana, neme mamate sa mai so. Yesus ndia boeo, nde soi-tefa nala ita teme Manetualain nasa melun, nai fai mana mai ka.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.