RATAPAN 3:24 - Susula Malalaok Hehelu Palak Ma Hehelu Beuk

²⁴ Manetualain nde been-na, au hata-hetong fo kisak. Hu ndia de, au amahena neun.

RATAPAN 3:24 ပူးပေါင်းရင်းမြစ်များ

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

AYUB 13:15

Au daleng-nga kisak, nana ketu au namahehenang-nga so! Metema, Manetualain sanga taonisa au soona, au ta aule-ahelu fa, tehu, neukose au asala'e ha'da-paliing, nai matan-na.

AYUB 22:25

Nemen-na, Ndia Fo Manakoasa, da'di o lilopilam, ma o lilofula kabelim-ma.

MAZMUR 119:57

Ou Manetualain, fo au ahiik-ka, nde ka'da O, de au helu, neukose au akalala'ok O nanolim-ma.

MAZMUR 130:7

Mamahena neu Manetualain, hai anan-nala lemin, nana Ana sue-lai nahele, ma naheheleaon tataas esa, soaneu Ana soi-tefa.

MAZMUR 142:5

Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MAZMUR 31:24

Hai basa Manetualain, anan-nala lemin, sue-lai Manetualain, nana Manetualain nasulu-nahapa hataholi manalilinekak-ka. Tehu Ana ta dudu'a-dodoo ba'u-ba'uk, soaneu Ana huku hataholi manakoao-ndaeaok-ka.

MAZMUR 33:18

Manetualain nanea, hataholi kamahehelek-kala, fo lamahena neu susue-lalain-na.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

MAZMUR 43:5

Tao le'e de, au daleng-nga he'dis-sa, ma ta tesa-tama fa? Au amahena neu Manetualain, boema neukose au oke makasi seluk neun, neu au Manetualaing-nga ma au manasoi-manatefang-nga.

MAZMUR 62:8

Ndia nde Manetualain, fo manafe au so'da-molek, ma ha'da-holomata, Ndia nde au manamasulu-mahapang, ma au manamasala'eng fo matea-mahelek.

MAZMUR 71:14

Tehu au amahena tataas esa neu O, ma boetai koa-kio O.

MAZMUR 73:26

Leomae au aopaa-samaneng male-tale, tehu O nde, au be'i-balakaing, ou Manetualain; O nde, basa hata lala'en, fo au anuun losa dodoon-na.

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

MAZMUR 94:19

Metema, au daleng-nga ta tesa-tama fa soona, O kokoe-nanasi au, ma O tao-ma au amahoko-setelee.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 51:19

Yakob Aman Manetualain ta sama leo dodoki-dudulak sila-la; Ndia makadada'dik basa hata-hata nai daebafak. Na'den-na nde been-na Manetualain Fo Manakoasa; Ana hele Israel da'di anan-na.

RATAPAN 3:21

Leomae leondiak boe, au namahehenang-nga fo'a falik, lelek au afandele dede'ak-ka nde ia nae:

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

ROMA 15:12

Boema Yesaya nafa'da nae leoia boe, “Neme Isai tititi-nonosin, neukose hataholi esa to'da mai fo neukose Ana paleta basa leoina lala'ena; Hataholi ndia nde leoina sila la lamahena ka.”

ULANGAN 18:2

Sila ta bole lanuu dae sama leo, leo fe'ek-kala fa, nana Manetualain nde da'di, sila baba'en-na, sama leo Manetualain helu basan neu sila so.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.