RATAPAN 2:9 - Susula Malalaok Hehelu Palak Ma Hehelu Beuk

⁹ Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

RATAPAN 2:9 ပူးပေါင်းရင်းမြစ်များ

2RAJA-RAJA 25:7

Ala taolisa solda'dun-nala, neme matan-na. Basa ndia boema, ala e'do heni Zedekia mata de'en-nala, boema ala langen, de loon leo Babel neu.

2TAWARIKH 15:3

Doon-na seli, Israel ta namahele neu Manetualain fo ndoos-sa, ta lanuu hoholo-lalanek fo muse ala tungan, ma ta lanuu imam-imam fo lanoli fas.

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

MAZMUR 74:9

Ta mita nabi-nabi, ma manada'di beuk so'on, ma ta hapu hataholi esa boen, ana bubuluk, manada'di leoiak-ka, nakandoo losa faihi'da.

YESAYA 24:12

Kota lutu-lutu so, ma lelesuina-nala, hea leu de, lalefu-le'ak.

YEREMIA 14:14

Tehu Manetualain nataa nae, “Nabi sila-la leni hala pepeko-lelelok pake Au na'deng-nga; Au ta adenu sila fa, ma manafe paleta taak do kokola O sila fa. Ninita-ninitak fo ala tui-bengak-ka ta neme Au mai fa; Ala neuk dede'a-dede'ak sosoa-ndandaan taak, fa ka'da ala tao aon-nala.

YEREMIA 23:16

Manetualain Fo Manakoasa nafa'da neu laun Yerusalem-mala nae, “Boso mamanene basa nabi-la hala-kokolan fo ala fe mamahehenak fo ka'da louk tatas esa. Ka'da sila landuku-lalosak sila mesak-kasa meneunala te Au hala-haituang-nga ta ndia fa.

YEREMIA 39:2

Manek Zedekia paleta neu bula kahaa fain sio teuk kasanahulu esa, boema musu-a tao nakalulutuk kota papala nanadaman-na,

YEREMIA 39:8

Ndi te hataholi Babel-lala hotuheni manek-ka uma manen, ma laun-nala uman, ma ala tao latu'u Yerusalem papala nanadaman-nala.

YEREMIA 51:30

Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

YEREMIA 52:14

Boema basa ana manatungan-nala tao lakalulutuk papala-nanadaman-nala.

RATAPAN 1:3

Laun Yehuda-la la'oela nusan-na, nanahu nanataok da'di ata de ana doi-doso nanseli. Besak ia, ala leo nai leoina-la tala'da ta lanuu mamanak fo fes mole-dame ma so'da-molek fa. Nai lelek ala doi-doso-a, musu nakahapi-nalas.

RATAPAN 4:15

Hataholi-la lafa'da lae, “La'o meme ia mai! Emi manggenggeok, de boso mafaloe ami!” Boema ala la'o, de laleu-lalaak leme leoina esa leo leoina esa leu, tehu ta hapu hataholi esa boen, fes loak fo leo lahele fa.

RATAPAN 4:20

Ala ho'u-la manek fo Manetualain helek-ka, hataholi fo ami mamahenan da'dileo manafe maso'dak, ma manamasulu-mahapa soaneu musu nook-ka.

YESKIAL 12:13

Tehu neukose, Au pilu Au dalang-nga neu, fo Au ho'u-alan. Boema, neukose Au on leo kota Babel-la neu, fo nai naa, neukose ana beita nita kota ndia fa te, maten so.

YESKIAL 17:20

Neukose, Au pilu Au dalang-nga neu, fo Au ho'u-an. Neukose, Au on leo Babel neu, fo Au hukun nai naa, nanahu ana ta lilineka neu Au fa.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

HOSEA 11:6

Natee-nata'tik-ka, neukose lua da'pa-da'pa losa leo sila kotan dale neu, neukose tao lalutu lelesuina-la, ma Au anang-ngala nanatao namopo-namatek. Dede'ak ndia ana da'di, nanahu ala tunga sila hihii-nanau mesan-nala,

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

AMOS 1:5

Neukose Au tao alutu Damsyik lelesuinan-nala, ma neukose Au sapu balisi Bafak Awen laun-nala, neme mamana leleon-nala mai. Neukose Au akona heni hataholi manakoasa manai Bet-Eden-nala leme kandela manen-nala lain mai, ma neukose Siria laun-nala nanafook, fo loos leo nusa Kir-ra neu.”

ULANGAN 28:36

Neukose, Manetualain no emi manem-ma, leo nusa dea fo, emi ta malelak-kana fa, ma emi bei-ba'i kaim-mala boeo, ta lalelak-kana boen. Nai ndia, neukose emi da'di ata neu lamatua daebafak fo, nanataok neme ai-batu mai.

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.