RATAPAN 2:5 - Susula Malalaok Hehelu Palak Ma Hehelu Beuk

⁵ Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

RATAPAN 2:5 ပူးပေါင်းရင်းမြစ်များ

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

AYUB 13:24

Tao le'e de O makadedeak ma la'o neme au mai? Hu beek de O tao au da'dik O musu nom?

AYUB 19:11

Manetualain nasa-melun neu au-a, ana pila lo'a-lo'a; nafa'da nae au da'di leo Ndia musun-na.

MAZMUR 89:40

O tao ketu O hehelu-balataam moo O atam-ma, O tapa heni ti'ilanga manen-na, leo tane dale neu,

MAZMUR 89:41

O ta matu'u kotan-na, papala nanadaman-nala, O tao-ma kota musun-nala, da'di batu madodouk.

YESAYA 29:2

Tehu neukose, Manetualain fe soe-a mai, neu kota ndia, nalosa hataholi-a nakadii-nakau ma nahoo. Basa kota lala'en-na, nalupa leo mei tunu-hotuk fo, nadiu daak.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 21:4

leu lafa'da neu Zedekia lae Manetualain o Israel Manetualain nafa'da nae, “Zedekia, neukose au tao akala o soloda'dun-nala fo ala bei latee-latati la'ban Babel manen no soloda'dun-na. O soloda'dun tee-tafan-nala neukose au tao aodos nai kota tala'da heon.

YEREMIA 30:14

Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.

YEREMIA 52:13

Nebuzaradan de'de heni Manetualain Uman-na, uma manek-ka, ma basa hataholi nananita-nalelak nai Yerusalem uman-na.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 2:4

Ana hela kokoun-na, sama leo musu fo Ana te'ek kokou isin-na nasale leo ita mai. Ana taonisa la'iesak basa hataholi fo ita sue-laik-kala, Nasapula nasa-melun sama leo ha'i-a, leo kota Yerusalem ia dalek neu.

YESKIAL 2:10

fo nanasulak nai boboan duas. Boema nai susula nanadikuk ndia dalek, nanasulak, kikii-makaleleuk, haladoik-ka, ma hoo-nggu'uk-ka.

SEMUEL SUSULAK-KA ESAN-NA 28:16

Boema, Semuel nae, “Sosoak hata, o maloo au, te Manetualain la'oela o, ma Ana da'di o musu-noom so?