RATAPAN 2:4 - Susula Malalaok Hehelu Palak Ma Hehelu Beuk

⁴ Ana hela kokoun-na, sama leo musu fo Ana te'ek kokou isin-na nasale leo ita mai. Ana taonisa la'iesak basa hataholi fo ita sue-laik-kala, Nasapula nasa-melun sama leo ha'i-a, leo kota Yerusalem ia dalek neu.

RATAPAN 2:4 ပူးပေါင်းရင်းမြစ်များ

2TAWARIKH 34:21

“Meu leona, fo matane neu Manetualain soaneu au ma soaneu hataholi-hataholi fo bei manai Israel ma Yehuda la'eneu susulak ia-la isi-liin. Manetualain namanasa ita nanahu ita bei-ba'i kain-nala ta lakalala'ok paleta fo nanasulak nai susulak ia-la dalek fa.”

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

AYUB 19:11

Manetualain nasa-melun neu au-a, ana pila lo'a-lo'a; nafa'da nae au da'di leo Ndia musun-na.

AYUB 6:4

Manetualain, Fo Manakoasa, kokou isin-na tola au aopang-nga; de lason-na, nananama leo basa au aopaa-samaneng lala'en-na neu. Manetualain koasa matuainan-na, neni bibii-namata'uk nanseli, de nono'kabai, musu nook-ka solda'dun-nala sapu-la au.

MAZMUR 37:14

Hataholi mangalauk-ka, ana fe'a tafainan-na, ma ana kou kou-kou isin-na, fo ana taonisa hataholi nuu ta-hata tak-ka, ma manadoi-dosok-ka, fo ana do'do-pau hataholi fo, so'dan-na malole.

MAZMUR 7:13

Metema ta lasafali sila ha'da-tataon fa soona, Ana naheheleaon, nenik tafaina maneni mamates-sa. Ana fofola tafainan-na, ma Ana hela kokoun-na, boema Ana kou kou-kou isi manapilan-na neu.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YESAYA 63:6

Nai Au nasa-melung manalua ponu-ponung-nga dalek, Au heheta-aa'i leoinak-kala; Au tao amopo-amates, de Au po'a heni daan-nala leo dae lain neu.”

YEREMIA 10:20

Ami lalaa temam-ma, ma talin-nala ketun la'iesak-kasa. Ta hapu manamapadedeik falik lala temak so'on, ma ta tao falik teman-nala fa nanahu la'o basa ni'iana-la so.”

YEREMIA 21:5

Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

YEREMIA 30:14

Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.

YEREMIA 36:7

Fafa'kama no enok ndia, fo ala hule-haladoi neu Manetualain, ma ala tuka tei-sale dale neme sila tatao-nono'i mangalaun-nala mai. Manetualain namanasa nanseli nos, de ana fepa-li'us.”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

RATAPAN 2:5

Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

RATAPAN 3:3

Ana fepa au do'e-do'e, nai fai katemak esa dalen-na, ta no dale kasian fa,

RATAPAN 4:1

Lilopilas mangadilak-ka kou henin so Manetualain Uman-na batun-nala tonggela nai enok lain.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YESKIAL 13:13

Manetualain Fo Mademaina, nafa'da nae, “Nai Au nasa-melung dalek, neukose Au fe ani sangu-a, u'da matuaina, ma u'da eis-sa ana mai, fo ana tao nakalulutuk papala nanadamak sila-la.

YESKIAL 22:22

Sama leo lilofula-ka, nananatanoek nai ha'i dale, leondiak boe, neukose sila nananatanoek nai Yerusalem. Soona besak-ka, ala bubuluk lae Au, Manetualain kalua Au nasa-melung neu sila.”

YESKIAL 24:25

Manetualain nafa'da au nae, “Nah, hataholi daebafak fo, manasapu-manalalok-konei, Au Umang fo matea-mahelek ndia, fo ana tao-na sila dalen-nala lamatua ma lamahoko, ma ala meten fo leu donge-daman no dale namahokok-ka, neukose Au ho'i-an neme sila mai. Boema, neukose Au ho'i-a sila anan-nala boe.

YESKIAL 36:18

Au amanasas, nanahu ala tao tatao-nono'ikanisak makadotok nai nusak ndia, ma ala tao langgenggeon nenik sila sosongo-tatangon-nala.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

YESKIAL 6:12

Neukose, sila basa-basas lame'da lita Au nasa-melung nininin-na. Hataholi manai mamana dook-kala, fonde mamana tu'u-tapak, neukose ala tu'u he'dis, boema mates; hataholi manadekak-kala, neukose ala mate nai natee-natatik dale, ma bei elak-kala, neukose mates hu kande la'a-ndoes-sa.

YESKIAL 7:14

Pupuuk-ka nalii, fo basa hataholi-la laheheleao. Tehu ta hapu hataholi esa boen, neu leo natee-natatik dale neu, nana Manetualain nasa-melun, la'e basa hataholi lala'en-na.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

SEMUEL SUSULAK-KA ESAN-NA 28:16

Boema, Semuel nae, “Sosoak hata, o maloo au, te Manetualain la'oela o, ma Ana da'di o musu-noom so?