RATAPAN 2:3 - Susula Malalaok Hehelu Palak Ma Hehelu Beuk

³ Nai nasa-melun fo manapila lo'a-lo'an-na dalek, Ana helu la'di Israel be'i-balakain, Lelek musu nook-ka sapu-na ita, Ana hia fe tutulu-fafalik. Sama leo ha'i pila lo'a-lo'a fo tao nalutu basa hata lala'en-na, leondiak boe, Manetualain manakoasa nasa-melun neu ita basa-basa-tala.

RATAPAN 2:3 ပူးပေါင်းရင်းမြစ်များ

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

AYUB 16:15

Au pake kalong, fo da'di leo ta'du-tana dale he'dik, ma au angatuuk nai dae sopuk-ka dale, nanahu au nanasengik so.

MAZMUR 132:17

Au fe Dauk tititi-nonosin esa nai ia, da'di manek; neukose Au tao atea-ahele paletan-na.

MAZMUR 74:11

Tao le'e de, O ta tulu-fali seluk ami fa? Tao le'e de, O po'i O limam-ma neme ami mai?

MAZMUR 75:10

Tehu neukose, au tui-benga ahele Yakob Manetualain-na, au akamee nakamee kokoa-kikiok ba'eneun.

MAZMUR 75:5

Soaneu hataholi fo, ana hii kokolak bafa louk-ka, Au afa'dan fo daenga boso boe kokolak bafa louk bai.

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

MAZMUR 89:24

Neukose Au tao amopo-amate musun-na, Au taoisa su'di see-a fo, nakamuu-nakadaun.

MAZMUR 89:46

O tao keke'u, fai muli-solun-na, ma O poti ketun, nenik mamaek.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 48:25

Moab be'i-balakaina nanatao naladik so, ma koasa-na nanatao nakalulutuk so. Au, Manetualain nde manakokolak-ka.”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YESKIAL 13:13

Manetualain Fo Mademaina, nafa'da nae, “Nai Au nasa-melung dalek, neukose Au fe ani sangu-a, u'da matuaina, ma u'da eis-sa ana mai, fo ana tao nakalulutuk papala nanadamak sila-la.

YESKIAL 7:14

Pupuuk-ka nalii, fo basa hataholi-la laheheleao. Tehu ta hapu hataholi esa boen, neu leo natee-natatik dale neu, nana Manetualain nasa-melun, la'e basa hataholi lala'en-na.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

LUKAS 1:69

Ana fe ita manasoi-tefa balakai lea, Dauk fo ata na tititi-nonosin.

LUKAS 3:17

Ana ho'u ooko nai liman dale, soaneu ana da'i-lelee gandu ma losa balisi. Gandu ma neukose nanatao nakabubuak nai soka dale, tehu neukose Ana hotuheni u nala nai ha'i manamate ta ka dalek!”

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.