RATAPAN 2:21 - Susula Malalaok Hehelu Palak Ma Hehelu Beuk

²¹ Lasi-mulik mate lalefule'ak nai enok lain, ta'eanak-anafe'oanak-kala mate loo tafaina. Nai faik fo O mamanasa, O do'dos ta no dale kasian fa.

RATAPAN 2:21 ပူးပေါင်းရင်းမြစ်များ

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YEREMIA 11:22

Hu ndia de, Manetualain Fo Manakoasa nafa'da nae, “Neukose Au huku sila! Sila hataholi-hataholi muli-solun-nala neukose mates nai matematatik-ka dalek, ma sila anan-nala neukose mates nenik la'as-sa.

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 51:22

O nanapake fo tao misa touk ma inak, lasik do mulik, ana fe'o anak ma ta'e anak.

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YEREMIA 9:20

Boema au afa'da ae, “Hai basa inak-kala lemin! Mamanene Manetualain dede'a-kokolan leona, Manoli emi anafe'om-mala, nakamee kikii-makaleleuk, manoli emi tia-laim-mala, nakamee fafaluk.

YEREMIA 9:21

Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

RATAPAN 1:15

Manetualain nakadadaek basa au palani ta'ti batu ao kaheleng-ngala. Ana hoka solda'du-la, fo ela ala tao lamopo-lamate basa au hataholi muli-solung-ngala. Ana heheta-aa'i au leoinang-nga losa beelutu, sama leo hataholi-a he'e angol-la boan-na.

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

RATAPAN 1:4

Nai fai malole-la ta hapu hataholi esa boen mai leo Manetualain Uman mai fa. Anafe'oanak makameek manai naa-la doi-doso, ma imam-mala hoo-nggu'u. Ta hapu hataholi esa boen, nai lelesuina-la lelesun-na fa. Kota Sion na, henuk no dale he'dik.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 3:43

O usi ami ma O taomisa ami, O dale kasiam-ma, nanafunik nai O nasa-melum dale.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

AMOS 4:10

Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

AMOS 8:13

Nai faik ndia, lena-lenak muli-soluk fo so'da-la'dak-kala boeo, neukose ala sapala'o nanahu maa ma'dak-ka.

ZAKHARIA 11:6

Au ta nau, Au daleng-nga tu'da kasian seluk neu su'di see boen, nai nusak ia fa. Au nde fe basa laun lala'en-na, leo manakoasa-la leu. Sila nde, neukose tao lakalulutuk nusak ia, te Au ta loso falik-kana, neme sila koasan-na mai fa.”

ULANGAN 28:50

Hataholi sila-la, mangalaun-na seli, ma ala ta lanuu dale susuek soaneu toulasik-inalasik ma ni'iana-la boe.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.

YOSUA 6:21

Basa hata manai kota ndia dalek, lasi-mulik, ina-touk, ala taolisas nenik tafaina. Ala taolisa la'iesak bana-manu sapi, bi'ilopo ma keledei lala'en-na boe.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”