RATAPAN 2:14 - Susula Malalaok Hehelu Palak Ma Hehelu Beuk

¹⁴ Hata fo nabi-la landuku-lalosak-kana neu o, ka'da ke'di-ndiuk ma pepekok mesa-mesan. Beita la'iesa fo ala buka o sala-singom fa, nalosa hu kande ndia de, o ta tukatei-saledale fa. Nasafalin-na, ka'da ala tui-benga fe emi dede'a-kokola pepekok mamina-makeek.

RATAPAN 2:14 ပူးပေါင်းရင်းမြစ်များ

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 20:6

Ma o, Pasyhur, mo basa o umam isim-mala boeo neukose nanaho'u nak fo nanafua nenik leo Babel neu. Nai na neukose mate o de latoi o; leondiak boe, basa nono anam-mala fo lamanene basa o manakoao ao-ndaeaon-na boe.’ ”

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

YEREMIA 23:36

Sila ta bole pake dede'ak si'ek lae ‘Manetualain lelepa mabelan-na’. Metema bei hapu fo mana pake dede'ak si'ak ndia soona, neukose Au tao Au hala haituang-nga te'e-te'e ana da'di lelepa mabela soa neun. Hataholi fo manamafa'da nae, ‘Manetualain lelepa mabelan-na’ ka'da ana puta-pai Au hala kokolang-nga, fo sila Manetualain-na, Manetualain fo maso'dak-ka, Manetualain Fo Manakoasa.

YEREMIA 28:15

Au anduku-alosak basa sila-la neu Hananya, boema au afa'da seluk ae, “Hai Hananya, mamanene! Manetualain ta nadenu o fa; O taom-ma leoina ia namahele neu ka'da dede'a-kokolak pepeko-lelekok.

YEREMIA 29:21

Manetualain Fo Manakoasa, fo Israel Manetualain-na ana kokolak la'eneu Kolaya ana manen Ahab ma la'eneu Maaseya ana manen Zedekia fo ala pake Manetualain na'den-na soaneu anduku-alosak-kana neu emi la'eneu dede'a-dede'ak fo ta tete'ek-ka fa. Manetualain nafa'da nae, neukose ana fes leo Nebukadnezar fo Manek Babel-la koasan dale neu, fo neukose ana tao nisas nai o matam-ma.

YEREMIA 37:19

Ama Manek-ka nabin sila-la basa-basas laibee, fo lafa'da lae, neukose manek Babel-la ta sapun-na Ama Manek-ka ma nusak ia fa?

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

YESKIAL 13:22

Hataholi malole fo, ala ta nau Au taos le'e esa boen-na, emi taom-ma, dalen-nala ba'ihana, nenik emi masapepeko-masandandalim-ma. Emi tao mamatua hataholi mangalauk-kala dalen-na, fo ela lasala-lasingo lahele, ma boso soi-tefas.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

YESKIAL 22:28

Basa nabin-nala, lafuni sala-singok sila-la, sila sama leo hataholi fo, ana lose ha'o neu papala nanadama manggenggeok-ka. Sila ninitan-nala, pepekok, leondiak boe, sila dede'a nananafa'da elan-nala. Ala manaku lae sila landuku-lalosak hala heheluk-ka nde been-na, sila sipon neme Manetualain Fo Mademaina mai, te se'kona, Au ta kokolak o sila la'iesa boen.

YESKIAL 23:36

Manetualain nafa'da au nae, “Hai hataholi daebafak fo, manasapu-manalalok-konei, o maheheleaom basa soaneu maketu-mala'di Ohola ma Oholiba so do? Kena-ka'is la'eneu tatao-nono'i ta kandaak fo, ala tao-no'i basan ndia so.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

ZEFANYA 3:4

Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.