RATAPAN 2:10 - Susula Malalaok Hehelu Palak Ma Hehelu Beuk

¹⁰ Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

RATAPAN 2:10 ပူးပေါင်းရင်းမြစ်များ

2 SEMUEL 13:19

Boema, Tamar tao afu neu langan lain, ana siiba'e ba'du manalun-na, de ana la'o no ana ko'o ketu mata-panan nenik liman duas, ma ana kii noi-noi.

YESAYA 15:3

Hataholi manai enok-kala, ala pake si'di kalong, da'di leo ta'du-tana manasusak; hataholi-a, ana kii-makaleleu, ma ana kii nai masadokek-ka, ma nai uma punin-na.

YESAYA 3:24

Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 36:22

Boema Elyakim, Sebna, ma Yoah sii-sii lulu'i bua papaken-nala, fo da'di ta'du-tana dale he'dik, boema leu lafa'da manek-ka, hata fo Asyur malanga solda'du matuainan ndia, kokolak basan so.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YESAYA 47:5

Manetualain nafa'da Babel nae, “Denge-denge, fo muu leo makiu-makahatuk dale muu leona. Neukose ta loke seluk o lae, ‘Nusak-kala inamanen fa.’

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

RATAPAN 1:4

Nai fai malole-la ta hapu hataholi esa boen mai leo Manetualain Uman mai fa. Anafe'oanak makameek manai naa-la doi-doso, ma imam-mala hoo-nggu'u. Ta hapu hataholi esa boen, nai lelesuina-la lelesun-na fa. Kota Sion na, henuk no dale he'dik.

RATAPAN 3:28

Nai lelek Manetualain fe doidosok-ka, ela leo been-na tangatuuk mesat-tala no denge-dengek.

RATAPAN 4:16

Manetualain ta taoafik neu anan-nala so'on; Ndia nde tao tapasasalas-sala, ma Ana tao-na hataholi ta fe ha'da-holomata neu imam-mala so'on; basa mauli-malangan-nala, dale susue-lalai tak-kala.

RATAPAN 4:5

Sila fo biasa la'a-linu nana'a mala'da-mala'da, ma laso'da nai hahapu-dadaik-ka dalek, besak ia, ala la'ek fo leu sanga nana'a-nininuk nai kadafu madodouk-kala, ma ala mate no la'as-sa nai enok-kala lain.

RATAPAN 5:12

Ala ho'u-la ami mauli-malangam-mala de ala lonas, ala ta koa-kio ami toulasim-mala so'on.

RATAPAN 5:14

Lasik-kala ta lakabubua seluk nai kota lelesuinan-nala so'on, sasanu liik-kala ta namanenek nai muli-soluk-kala dalek so'on.

YESKIAL 27:30

Ala kii-makaleleu o ua-nalem, ala haladoi ma ala makaleleu no dale he'dik nanseli. Ala nggali afu leo langan-nala lain neu, de ala lololi lai afu dale, da'di leo ta'du-tana susa.

YESKIAL 27:31

Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

YOEL 1:8

Kii leon, hai hataholi-la lemin, sama leo anafe'oana manasusak, fo ana kii-makaleleu tonanga susuen-na, mamaten-na.

AMOS 5:13

Hu kande emi tatao-nono'i ma ndia, de hataholi manatee-tenok-kala dodoo lae, malole lenak ka'da bedenge nai le'do-fai mangalauk leondiak-ka.

AMOS 8:13

Nai faik ndia, lena-lenak muli-soluk fo so'da-la'dak-kala boeo, neukose ala sapala'o nanahu maa ma'dak-ka.

AMOS 8:3

Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

YUNUS 3:6

Lelek mane Niniwe, namanene halak ndia boema, ana fo'a napadeik de no lai-laik ana la'o ela kandela manen-na. Ana o'du heni ba'du manen-na, de ana pake si'di kalong, boema nangatuuk neu afu lain.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.

NINITAK 18:19

Boema ala sosonu daesopuk leo langa nala lain neu, da'dileo ta'du-tana fafaluk, boema ala kii-makaleleu, ma ala nggasi-nggasi mesan lae, “Awii, susa soen ba'una seli ba'eneu kota matuaina ia! Su'i-beten tao na basa hataholi fo nanuu ofak nai tasi lai, ala da'di lamasu'i! Tehu nai ka'da li'u esa mesa kana, de kota ndia namopo basa-basan lala'ena so!”