RATAPAN 1:7 - Susula Malalaok Hehelu Palak Ma Hehelu Beuk

⁷ Yerusalem tu'da ma doi-doso basa boema, nafandele neu tepo-lelek maneu ka, fo nai lelek hata-heton bei makadotok; tao leo beek de laun-na tu'da leo musu liman dale neu, de ta hapu hataholi esa boen, mai tulu-fali fan. Musu noon-nala ka'da hika mete tutu'dan-na.

RATAPAN 1:7 ပူးပေါင်းရင်းမြစ်များ

AYUB 29:2

“Ela leo been-na, au so'dang-nga sama leo makahulun-na seluk, nai lelek, Manetualain nasulu-nahapa au-a.

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 77:3

Nai fai toto'a-tataak-ka, au hule-haladoi neu Manetualain; le'odae katemak esa dalen-na, au so'uk au limang-nga neun no ta sota-mangu fa, tehu au daleng-nga, ta nau nanakokoe-nanasik fa.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

YESAYA 64:10

O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

YESAYA 64:11

Manetualain Uman fo, malalao-malalafuk ma matua-madema, mamanak fo ami bei-ba'i kaim-mala, koa-kio O, ha'i-a, na'a nakalulutuk-kana so; basa mamanak fo, ami mahiik-kana, ala da'di ai-batu manandefak so.

YEREMIA 37:7

afa'da ae leo ia neu manek Zedekia hataholin nadedenun-na: “Mafa'da neu Zedekia, mae, ‘Soloda'du Masir-rala fo ala bei bela'o mai lo ia mai fo soaneu tulu-fali o, te neukose ala fali fo le'us.

YEREMIA 48:27

Ade ta makahulun-na hataholi Israel-la ta nanahika-humek neme Moab mai ma nananakamamaek nonokabai sila nanaho'u nak mata-matak lo nakoda-la fa do?

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

YESKIAL 25:3

Madenu leoina ndia, fo namanene hata fo Au, Manetualain Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

YESKIAL 25:6

Manetualain Fo Mademaina, nafa'da nae, “Emi totoko lima, boema emi foti-longe. Emi makadadaek dae Israel-la.

HOSEA 2:7

Neukose, ana usi tou susuen-nala, tehu ana ta dai fas. Neukose ana sangas, tehu ana ta hapu fas. Boema neukose nafa'da nae, ‘Neukose au fali u'ung-nga leo au saotou makasososang-nga u, nanahu au ha'da-tatao makahulung-nga, malole lena neme besak ia mai.’

MIKHA 4:11

Leoina makadotok lakabubua basa fo sapu-la o, hai Yerusalem! Lafa'da lae, “Muse tao nakalulutuk Yerusalem! Neukose ami mete kota ndia da'di ai-batu madodouk!”

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.