RATAPAN 1:3 - Susula Malalaok Hehelu Palak Ma Hehelu Beuk

³ Laun Yehuda-la la'oela nusan-na, nanahu nanataok da'di ata de ana doi-doso nanseli. Besak ia, ala leo nai leoina-la tala'da ta lanuu mamanak fo fes mole-dame ma so'da-molek fa. Nai lelek ala doi-doso-a, musu nakahapi-nalas.

RATAPAN 1:3 ပူးပေါင်းရင်းမြစ်များ

2RAJA-RAJA 25:11

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.

2RAJA-RAJA 25:21

fo nai Hamat dae paletan dale. Ala losa naa boema, ala tao doi-dosos, de basa boema, ala taolisas. Hataholi Yehuda-la, nanafook leme sila nusan-na mai, leo mamana ookak-ka neu-a, tutuin-na leondiak.

2RAJA-RAJA 25:4

boema musu-a hona nabuu, kota papala nanadaman-na. Leomae le'odaek ndia, hataholi Babel-la bei lakahapi-la kota ndia, tehu basa solda'du Yehuda-la, lalai leo Bafak Yarden-na leu. Ala la'ok tunga enok manatunga osi uma manek-ka, boema ala kalua tunga lelesuina manatuti papala nanadama ka 2-k manai mamanak ndia.

2RAJA-RAJA 25:5

Tehu solda'du Babel-la usi Mane Zedekia, de ala ho'u-lan neme masadokek Yerikho-a. Basa solda'dun-nala, lalai la'oelan.

YEREMIA 13:19

Yehuda kota-kotan manai kona-la nana sapu nak so, ma ta hapu masok leo nanasapunak sila-la dalek neu fa. Basa hataholi Yehuda-la nanafua leo mamana ookak-ka neu.”

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 39:9

Mate'en-na laun fo bei hapu nai kota, lo basa hataholi-hataholi fo lalai, de lok hataholi Babel-lala Nebuzaradan, fo Babel malanga matee-matatik musun-na los lo Babel neu.

YEREMIA 52:15

Basa boema laun fo manai kota ndia nde been-na ela ka'da hataholi nuu-taa hata-taak-ka, ma hataholi mana malaik leo Babel leu-a Nebuzaradan fu'a neni la'iesak-kala leo Babel.

YEREMIA 52:8

Tehu soloda'du Babel-la usi manek Zedekia, ma ala ho'u lan neme dae Yerikho. Ana manatungan-nala lalai la'o ela.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

RATAPAN 4:15

Hataholi-la lafa'da lae, “La'o meme ia mai! Emi manggenggeok, de boso mafaloe ami!” Boema ala la'o, de laleu-lalaak leme leoina esa leo leoina esa leu, tehu ta hapu hataholi esa boen, fes loak fo leo lahele fa.

RATAPAN 5:5

Lakaseti ami maue-male'di belak sama leo bana-manu, ami sota-mangu, tehu ala ta fe fai hahaeaok fa.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.