RATAPAN 1:20 - Susula Malalaok Hehelu Palak Ma Hehelu Beuk

²⁰ Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

RATAPAN 1:20 ပူးပေါင်းရင်းမြစ်များ

AYUB 30:27

Au daleng-nga nakalulutuk, hu kande susa ma dale he'dik-ka; au doi-dosong boetai namaba'uk-ka, neme faik leo faik neu.

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

MAZMUR 38:8

Sumaik-ka, ana hotu au aopaang-nga, ta hapu so'da-la'dak nai au aopaang-nga fa.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESAYA 16:11

Au daleng-nga he'dis-sa ma nakalulutuk, mete Moab ma Kir-Heres so'dan-na.

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 14:20

Manetualain, ka'da ami masala-masingo basa neu O. Ami manaku aom ami sala-singom-mala ma ami bei-ba'ikaim-mala sala-singon-nala.

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 4:19

Au daleng-nga doi-doso nanseli, au ta akatatakak doidosok-ka so'on. Au ta ka'i abe'i au daleng-nga fa au teneng-nga hako, nai au fanang dale. Nana au amanene pupuuk-ka nalii, ma eeki musu-a, nadodolo

YEREMIA 48:36

Su'i betek Kir-Heres ma basa Moab mopo heni so. Au daleng-nga he'dis neu sila; Au sama leo hataholi manafuu sulik nai fai mamates-sa.

RATAPAN 1:11

Laun-nala sanga so'dan-na no hoo-nggu'uk; ala tuka bua-lo'a kabelin-nala nenik loti, ka'da soaneu laso'da lahele fo boso mates. Yerusalem naloo bou-bou nae, “Ou Manetualain, mete au leona, taoafik neu au doi-dosong lala'en-na.”

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

RATAPAN 1:8

Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

RATAPAN 2:11

Au matang-nga peta, nanahu ta hahae kikiik-ka fa, au samaneng-nga doi-doso nanseli. Au daleng-nga nakalulutuk mete leoina tutu'dan-na; mete ni'iana-la boema ni'iana manasu'uk-kala sapala'o nai kota enon-nala.

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

YESKIAL 7:15

Natee-natatik-ka, nai enok-kala lain nai kota dale, ma he'di-laus-sa nai uma-la. Su'di see fo nai kota deak, neukose maten nai natee-natatik dale, ma manaleo nai kota dale-la, neukose maten, nanahu he'di-laus ma la'a-ndoes-sa.

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.