RATAPAN 1:15 - Susula Malalaok Hehelu Palak Ma Hehelu Beuk

¹⁵ Manetualain nakadadaek basa au palani ta'ti batu ao kaheleng-ngala. Ana hoka solda'du-la, fo ela ala tao lamopo-lamate basa au hataholi muli-solung-ngala. Ana heheta-aa'i au leoinang-nga losa beelutu, sama leo hataholi-a he'e angol-la boan-na.

RATAPAN 1:15 ပူးပေါင်းရင်းမြစ်များ

2RAJA-RAJA 9:33

Yehu nafa'das nae, “Tapa inak ndia leo dae neu!” Boema, ala tapa Izebel leo dae neu, de kaleta loli-nan, nalosa daan-na pisok leo papala nanadamak-ka neu, ma leo kaleta ndia ndalan-nala neu.

MAZMUR 119:118

O ta sipok hataholi fo, ana heo neme O nakeketum-ma mai, sila tipu-dain, manada'di tak.

YESAYA 28:18

Emi hehelu-balataam mo mamates-sa, ma emi mala halak mo hataholi manamatek-kala daebafan-na, neukose ta da'di fa, nalosa, metema soe-a ana mai soona, emi lutu-lutu, nanahu nanaheheta-aa'ik.

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YESAYA 63:3

“Au mesang-nga, masok leo mamana popo'de angol-la u, nai Au anang-ngala dalek, ta hapu manatulu-fali Au fa. Au heheta-aa'i leoinak-kala, nai Au nasa-melung dale, sama leo heheta-aa'i angol boak-ka Daan-nala lasapula mai de, nakadoe Au ba'dung-nga, ana tao nanggenggeo, Au ba'dung-nga lala'en-na.

YEREMIA 13:24

Neukose Au tao tapasasala emi, sama leo anin-na fu dae sopuk-ka neme moo solokaek-kamai.

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 37:10

Leounik-ka emi tao makala la'iesak soloda'du Babel-lala, de nalosa elak-kala ka'da hataholi fo hina-nala matuina-la nai lala teman-na dalek, tehu ala fo'a de ala hotuheni basa kota ia.’ ”

YEREMIA 50:26

Sapu-ma Babel neme basa bu'uk-bu'uk lala'en-na, ma boka heni basa mamana pepe'da gandum-mala mai! Tao makalulutuk nusak ndia! Boso la'o ela esa boe!

YEREMIA 51:34

Yerusalem nakalulutuk ma manek Babel-la na'a henis; ana fe kota ndia louk sama leo boto louk-ka boe. Sama leo bana matuaina esa ana ko'do Yerusalem ma nadai tein-na nenik basa hata neulauk fo manai kota ndia, boema ana tapa heni lenan-nala.

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

RATAPAN 2:21

Lasi-mulik mate lalefule'ak nai enok lain, ta'eanak-anafe'oanak-kala mate loo tafaina. Nai faik fo O mamanasa, O do'dos ta no dale kasian fa.

RATAPAN 3:34

Metema ita samanen-na hapu tutuni mabela bui dale,

DANIAL 3:13

Manek-ka namanene dede'ak ndia boema, namanasa nanseli, de ana paleta fo leu lala hataholi ka teluk sila-la, fo mai lataa ndia.

YOEL 3:13

Sila mangalaun-na seli; hu ndia de, ta'ti henis sama leo gandum latuk manai tina. Heheta-aa'is, sama leo angol-la nai mamana kaka'bi angol-la henun, de ana sasi leo dae neu.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

MALEAKHI 4:3

Nai faik ndia, neukose Au aketu-ala'di, ma neukose emi sengi hataholi mangalauk-ka, nalosa sila sama leo daesopu ka fo emi heheta-aa'in.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

NINITAK 19:15

Tafaina matane esa kalua neme bafa na mai, ma ninik tafaina ndia de neukose Ana sengi leoina la ma neukose Ana paletas ninik ai tete'e besi. Ana ka'bi ango la nai Manetualain Fo Mana Koasa kaka'bi angol nasa-melu na dalek.

HAKIM-HAKIM 10:8

Teuk 18 dalen-na, leoina ka duak sila-la, tuni-ndeni basa hataholi Israel manaleo manai Gilead-ta, fo nde hataholi Amori-la nusan manai Lee Yarden-na boboan dulu. Ala tao hataholi Israel-la no ta pake ha'da hataholi fa.