RATAPAN 1:14 - Susula Malalaok Hehelu Palak Ma Hehelu Beuk

¹⁴ Ana ho'i-na basa au sala-singong, boema Ana pa'an da'di esa, de Ana bokoliin neu au botolii nga, nalosa belan-na tao-na au ndole-ndaku. Manetualain fe au leo musu nook-ka neu; au be'i-balakaing ta soaneu la'ban-nasa fa.

RATAPAN 1:14 ပူးပေါင်းရင်းမြစ်များ

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

YESAYA 14:25

Neukose Au tao amopo-amate hataholi Asyur manai Au nusang Israel-la, ma neukose Au heheta-aa'i manai letek-kala. Neukose Au soi-po'i Au leoinang, neme tuni-ndenik-ka mai, ma neme lelepak fo hataholi Asyur-ra lakasetis ala lu'a-lepan.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 27:12

Soaneu Zedekia fo manek Babel-la soona, au, Yeremia, anduku-alosak dede'ak matak esa. Au afa'da ae, “Bii neu menek Babel-la. Mahele neun, ma neu ndia leoinan-na fo ela Ama maek naso'da.

YEREMIA 27:8

Leoina do dedeo-la fo ala ta nau lakaluku-lakatele neu Nebukadnezar fa soona, neukose Au hukus nenik natee-natatik, la'a-ndoes, ma he'di-laus matuaina, losa makabuin-na leoina ndia nakaluluku-nakatele neun.

YEREMIA 28:13

U lo Hananya u fo au afa'dan ae leo ia, “Manetualain nafa'da nae, o hapu ka'da tao mala'di lange ai, tehu neukose ana nggatin nenik lange besik.

YEREMIA 28:14

Manetualain Fo Manakoasa, fo Israel Manetualain-na nafa'da nae, neukose ana tao lange besik neu basa leoina iala lesuha'in-na, fo neukose ala sene-do'ok neu Nebukadnezar fo Manek Babel-la. Manetualain nafa'da nae bana fui-la boeo neukose ana fes leo Nebukadnezar koasan dale neu.”

YEREMIA 32:3

neme manek Zedekia, nanahu ala du'du lae, au po'a-benga ae, Manetualain nafa'da nae leo ia, “Neukose Au po'ilotak manek Babel-la nangatun-na kota ia,

YEREMIA 32:5

Makabuin-na neukose ala fua leni Zedekia lo Babel neu, fo leo nai naa losa au hukun. Leomae ana te-tati hataholi Babel-la, tehu ana ta nala fas. Au, Manetualain, nde manakokolak-ka.”

YEREMIA 37:17

Makabuin-na boema manek Zedekia nadenu hataholi no au u ata nai uma manek-ka. Nai ndia no nafufunik ana natane neu au, ade hapu hala-haituak neme Manetualain mai. Au ata ae “Hapu.” Boema au tama seluk ae neukose “Ama Manek nanafek lo manek Babel-la.”

YESKIAL 11:9

Neukose, Au o emi kalua meme kota ia dalek mai, fo Au fe emi leo hataholi nusa dea-la neu. Au ta aketu huhuku mamates neu emi fa.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 23:28

Manetualain Fo Mademaina nafa'da nae, “Neukose Au fe o leo hataholi nanamaluak fo o tamahiik-kasa fa.

YESKIAL 25:4

Hu ndia de, Au po'ilotak emi, fo leoina-kala leme moo solokaek Dulu mai, fo ala sengi emi. Neukose, ala lapadedeik sila uma ofun-nala, nai emi nusam-ma, fo ala leo lahele leme ndia. Neukose la'a emi ai boam-mala, ma linu emi bana-manum su'uoen-na.

YESKIAL 25:7

Hu ndia de, neukose Au fe emi leo leoina-kala meu, fo ala lamanako ma ala loso-la, basa emi hata-hetom lala'en-na. Naukose, Au tao amate-amopo emi, nalosa emi ta da'di leoina esa so'on, ma boeo emi nusa mesam ta so. Soona besak-ka emi bubuluk mae Au nde, Manetualain-na.”

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

MIKHA 2:3

Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.