RATAPAN 1:13 - Susula Malalaok Hehelu Palak Ma Hehelu Beuk

¹³ Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

RATAPAN 1:13 ပူးပေါင်းရင်းမြစ်များ

AYUB 18:8

Ana la'ok leo hihi'ik-ka dale neu, boema ein-na kai.

AYUB 19:6

Bubuluk leona, te besak ia, Manetualain fepa-li'u au, de Ana ho'un-na au, nai meobesin dale.

AYUB 30:30

Au loung-nga nggeok; au aong-nga suumai.

MAZMUR 129:5

Nemen-na fo, ba'eneu hataholi fo, ta nahiik Sion fa, ana kala, fo nakadedeak.

MAZMUR 140:5

Ou Manetualain, masulu-mahapa au, neme hataholi mangalauk-ka, koasan-na mai, ma manea au, neme hataholi fo, ana sanga ka'da nale'a-napilk, fo ana tutu'u soaneu tao natu'da au.

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

MAZMUR 31:10

Ou Manetualain, sue-lai au, nana au ai toto'a-tataak-ka dalek; au matang-nga nake'te, nanahu au kii, au samanen-nga male-tale

MAZMUR 35:4

Nemen-na fo, hataholi fo ana nau taonisa au-a, ana kala ma nananakamamaek. Nemen-na fo manalalahalak la'ban au-a, lakadedeak no lapangamak.

MAZMUR 38:8

Sumaik-ka, ana hotu au aopaang-nga, ta hapu so'da-la'dak nai au aopaang-nga fa.

MAZMUR 66:11

O po'ilotak ami tu'da leo, hihi'ik dale meu, ma O fe lelepak fo,, mabelaina nanseli.

KELUARAN 12:9

Muse dala la'iesak bi'ilopoana ndia no langan-na, ein-nala ma tei-aten. La'a paa nanadala basak ndia, boso la'a matak do nasu paa ndia nggelok.

YESAYA 42:17

Hataholi fo, namahele neu dodoki-dudulak sosongo-tatangok-ka, ma ana manakun da'di leo lamatua daebafak soona, neukose nananakadadaek, ma nananakamumulu-nakamamaek.”

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

RATAPAN 1:22

Taoafik neu basa sila tatao-nono'i mangalaun sila, ma taos sama leo O tao au, nanahu basa sala-singok fo au taon soaneu O. Au ahoo nai doidosok dale, au daleng-nga he'dis-sa ma male-tale.”

RATAPAN 3:11

Ana usi au losa au singo heni enok-ka, boema Ana sii-sii au de Ana la'oela au.

RATAPAN 5:17

Lete Sion-na nee-nee lino-lino ma nanala'oelak; busa fuik-kala tonggela nai naa. Hu ndia de, ami dalem-ma nakalulutuk, ami kii losa ami mata memetem-ma da'di keluha'buk.

YESKIAL 12:13

Tehu neukose, Au pilu Au dalang-nga neu, fo Au ho'u-alan. Boema, neukose Au on leo kota Babel-la neu, fo nai naa, neukose ana beita nita kota ndia fa te, maten so.

YESKIAL 17:20

Neukose, Au pilu Au dalang-nga neu, fo Au ho'u-an. Neukose, Au on leo Babel neu, fo Au hukun nai naa, nanahu ana ta lilineka neu Au fa.

YESKIAL 32:3

Nai lelek, leoina-kala lakabubua soona, neukose Au dala ala o nenik Au dalang-nga, fo Au po'ilotak leoina-kala, ala loso o leo dae ma'dak lain mai.

HOSEA 7:12

Tehu, neukose Au lona hihi'ik, fo nai lelek ala la'ok tunga ndia soona, Au ho'u-alas, sama leo hataholi-a ho'u-na manupui-a. Neukose Au hukus, nanahu Au bubuluk basa sila tatao-nono'i mangalaun-na so.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

ULANGAN 28:65

Nai leoina sila-la tala'da, neukose emi ta hapu tetu-temak-ka, ma emi ta hapu mamanak esa boen, fo emi mafa'da mae, emi dae pusakam ndia fa; neukose Manetualain taon-na emi dalem-ma ta tesa-tama fa, ma ketu emi namahehenam-ma.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

IBRANI 12:29

Nana ita Manetualain ndia, sama leo ha'i fo manahotu naputu ka.