RATAPAN 1:1 - Susula Malalaok Hehelu Palak Ma Hehelu Beuk

¹ Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

RATAPAN 1:1 ပူးပေါင်းရင်းမြစ်များ

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

2RAJA-RAJA 23:33

Yoahas paletan-na, nate'e ndek lelek Nekho, fo mane Masir-ra, foo ninin da'di hataholi nanafook neme Ribla, fo nai dae Hamat-ta, de nakaseti Yehuda, fo ana bae bea dede'un-na, lilofulak kilo 3.400 ma lilopilas kilo 34, leo ndia neu.

2RAJA-RAJA 23:35

Mane Masir-ra nakaseti fo bae bea, boema manek Yoyakim-ma, neu susu bea neme laun-na mai, tunga sila esa-esak hahapun-na.

2TAWARIKH 9:26

Ana koasa basa manek manai nusak fo natabaa neme Lee Efrat-ta losa leo nusak Filistin-na ma Masir dae toon-na neu.

EZRA 4:20

Mane mabe'i-balakaik-kala, ala paleta hai leme naa so, de ala koasa-la, basa propensi Efrat Muli lala'en-na, boema lakalala'ok bea.

NEHEMIA 5:4

Ma hapu nggelok seluk bai soona lafa'da lae, “Ami tona doik soaneu bae bea fo manek-ka naketun soaneu ami tinam-ma, ma ami osi angol-la.

NEHEMIA 9:37

Basa dae ia oe-isin lala'en-na muse fen leo mane-mane nusak-ka neu. O so'u basa manakoasa sila-la soaneu O anam-mala, da'dileo huhukuk soaneu ami sala-singom neu O-a. Ala paleta tunga dale hihii-nanau mesan-na neu ami ma ami bana-manum. Hu ndia de, besak ia ami doi-doso, henuk no toto'a-tataak ma dale he'di!”

MAZMUR 122:4

Nai kota ia nde, nggileo-bobongik-kala mai, leoina fo, Manetualain heles, fo loke makasi neun nandaa no paletan-na.

YESAYA 14:12

Hai manek Babel-la nei, makahulun-na o nduu lolebalahaak fo nasa'a, tehu besak ia, o tu'da meme lalai mai so! Makahulun-na o sengi leoina-la, tehu besak ia, nanatu'u henik leo dae lain neu.

YESAYA 22:2

Ta nandaa, kota-kota lala'en-na feta-dote ma eeki-latadale fa. Nana emi palani tatibatum, fo mates lai natee-natatik ia dalek, ta mates hu kande natee-natatik-ka fa.

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 49:21

Boema, o dodoo nai o dalem dale mae, ‘See kande, bongi fe au, ni'iana sila-la? Ade, mopo basa au anang-ngala, de ta hapu bongi seluk fa do? Au hataholi nanafook nai mamana tu'u-tapak, ma nanasi'uheok, ma nanala'oelak mesa-mesak-kana. Da'di, ni'iana sila-la, leme bee mai, ma see nde nakabobois-sala?’ ”

YESAYA 50:5

Manetualain fe au malelak; au ta la'ban, do lepos la'oela fan.

YESAYA 52:2

Hai Yerusalem, fo'a meme afu dale mai leon, fo sasapu heni, afu manai o aom-ma. Hai Sion, fo nanafook-kala lemin! Se'iheni namosina, fo nanapa'ak nai emi botoliim-ma leona!

YESAYA 52:7

Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

YEREMIA 31:7

Manetualain nafa'da nae, “Makamee no namahoko-setelek ba'eneu Israel, fo Au anang-ngala – leoina fo makasososak nai basa leoina lala'en-nan-na. Makame-makame kokoa-kikiok ma tui-benga mae: ‘Manetualain soi-po'i hataholin fo bei elak-kala neme anan-nala mai.’

YEREMIA 40:9

Gedalya nafa'da neus nae, “Emi ta palu bii-mamata'u soaneu fe emi aoinam-mala neu hataholi Babel-lala fa. Ka'da leo neme ita nusan ia, ma da'di manek Babel-la atan. Au bole afa'da ae, neukose emi maso'da.

YEREMIA 42:2

lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 50:23

Basa daebafak-ka nanafepak neme Babel losa nakalulutuk, tehu besak ia fefepak ndia la'di henin so! Basa leoina-la lamanene de ala nggenge, beek fo manada'di nai leoina ndia.

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

RATAPAN 1:19

Au aloo au tia-laing-ngala tehu lalelesi au. Mate basa imam-mala ma mauli-malangan leoina-la nai kota enon-nala lain. Nai lelek ala sanga nana'a-neninuk fo laso'da lahele.

RATAPAN 2:1

Manetualain ho'i nakeketuk nai nasa-melun dale. Ana fe makiu-makahatuk-ka poti-na Sion. Israel matua-mademan fo dedemak lalai-a, Ana tapan leo daebafak-ka neu so. Nai faik Manetualain namanasa, Ana ta taoafik neu Uman manai Sion-na boe.

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

RATAPAN 4:1

Lilopilas mangadilak-ka kou henin so Manetualain Uman-na batun-nala tonggela nai enok lain.

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

YESKIAL 26:16

Leoina manai tasi su'uk-kala, manen-nala lita o ua-nalem da'di tao leondiak soona, neukose ala fo'a leme kandela manek lain mai, fo ala o'duheni sila ba'du manalu matua-madema-na, ma sila ba'du nanaseu bunga-na, fo langatuuk dele bengge'be leu dae lain. Neukose ala bii-lamata'u lanseli, nalosa dalen-nala ta tesa-tama fa.

YESKIAL 26:2

“Hai hataholi daebafak fo, manasapu-manalalok-konei, Tirus laun-nala ala eki, boema lafa'da lae, ‘Yerusalem nakalulutuk so! Ana ta dangan so'on, nanahu ana tu'da so! Ana ta da'di musu nai ita dangan dale so'on!’ ”

YESKIAL 5:5

Manetualain Fo Mademaina, nafa'da nae, “Mete te, ia nde been-na Yerusalem. Au pe'da kota ia nai daebafak-ka usen-na, boema nusaina fe'ek-kala, lai boboa-kaisun.

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’