PENGKHOTBAH 9:9 - Susula Malalaok Hehelu Palak Ma Hehelu Beuk

⁹ Mame'da mita maso'dak-ka moo o saoina susue-lalaim nai o fai maso'da manada'di tam fo Manetualain fen neu o nai daebafak-ka. Mame'da mitan tunga fa'ik, leomae sosoa-ndandaan ta boe. Nana o sosota-mamangum ngga'din-na ka'da ndia mesak-kana.

PENGKHOTBAH 9:9 ပူးပေါင်းရင်းမြစ်များ

KEJADIAN 26:8

Isak leo nai naa dodoo-ana so de nai faik esa boema, Mane Abimelek-ka mete neme jendela na mai, de nita Isak no Ribka bei lade'ik.

MAZMUR 144:4

Hataholi daebafak ndia, sama leo ani hahaek esa, sama leo salaok, fo mopok-kana, soona, hataholi daebafak-ka, so'dan-na leondiak.

MAZMUR 39:5

“Manetualain, mafa'da mae, faihi'da au fai mamateng-nga losa, fo ela au bubuluk, au so'dang-nga, keke'uanak nanseli.”

AMSAL 18:22

Hataholi manahapu saoinak-ka, ana hapu nanalak; saoinak-ka nde been-na, baba'e-babatik neme Manetualain mai.

AMSAL 19:14

Bisa hapu uma, ma hata-heto neme ina-amak mai, tehu saoinak fo, manatee-tenok-ka nde been-na, baba'e-babatik neme Manetualain mai.

PENGKHOTBAH 2:10

Basa au dale hihiing lala'en-na, au tao-an dai ma lena. Beita la'iesa fo au akatatakak au daleng-nga soaneu au ame'da ita namahoko-setelee beek ndia boen. Au daleng-nga namatau neu au sosota-mamangung buna-boan lala'en-na, de au ngga'ding-nga nde ndia.

PENGKHOTBAH 2:24

Ba'eneu hataholi daebafak-ka, ta hapu hata esa malolen-na lena neme nana'ak, nininuk mai fa, ma name'da nita ue-le'din buna-boan. Au ame'da ae ndia boeo, Manetualain baba'e-babatin.

PENGKHOTBAH 3:13

Malole lenak ita basa-basa-tala ta'a ma tinu, boema tame'da tita ita sosota-mamangun buna-boan. Ndia nde been-na, Manetualain baba'e-babatin basa sila-la.

PENGKHOTBAH 3:22

Hu ndia de, au ame'da ae ta hapu hata fo malole lena ba'eneu hataholi daebafak-ka, neme name'da nita ue-le'din buna-boan. Fe'ek neme ndia mai, ta hapu hata fo ana taon fa. Nai lelek maten soona, ana ta bisa bubuluk hata fo neukose ana da'di fa.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

PENGKHOTBAH 7:15

Au so'dang-nga sosoa-ndandaan ta, tehu nai au fai maso'dang ndia dalek, au itak-ka nde ia: Nasi'a hataholi malole-a mopo-mate, leomae hataholi ndia ana tunga agama no malole. Nasi'a hataholi manatao tatao-nono'i mangalauk-ka teun-na manalu, leomae ana tao sala-singok nakandoo.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.