PENGKHOTBAH 9:7 - Susula Malalaok Hehelu Palak Ma Hehelu Beuk

⁷ Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

PENGKHOTBAH 9:7 ပူးပေါင်းရင်းမြစ်များ

KEJADIAN 12:19

Tao le'e de, o mafa'da mae, o fa'dim ndia, de o po'ilotak au ho'i-an, da'di neu au saong-nga? O saom-ma nde ia; de ho'i-man, fo la'o leona!”

1RAJA-RAJA 8:66

Neu faik-ka falu na boema, Salomo nadenu hataholi sila-la fali le'us. Hataholi sila-la basa-basas koa-kion boema ala fali leo sila uman no dalen-nala lamahoko, nanahu basa baba'e-papalak fo Manetualain fe basan neu atan Dauk ma neu leoina Israel fo anan-nala.

PENGKHOTBAH 10:19

Feta-dote tao hihikak, ma angol-la tao namahoko-seteleek. Tehu paluu doik soaneu baba'en-na.

PENGKHOTBAH 11:8

Ela leo been-na, o moke makasi, metema teum-ma popo-tama. Tehu mafandendelek, te leomae o maso'da-mala dook-ka nai daebafak-ka boe, o le'do-faim manai daebafa mamates-sa, doon-na lena seluk bai. Da'di o nau mamahena beek bai? Basa-basan palsuma ma manada'di tak.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

PENGKHOTBAH 8:15

Au ho'i keke'un nde ia nae: hataholi-a muse namahoko-setelee. Nanahu nai maso'dan nai daebafak-ka ta hapu namahoko fe'ek ba'eneun fa te ka'da na'a ninu ma namahoko-setelee. Ana hapuk-ka ka'da nde ndia nai sosota-mamangun dale, nai fai maso'dan fo Manetualain fen-na dalek.

BILANGAN 6:20

Boema imam-ma, muse natu'du nana'ak sila-la, da'di leo fee-fee hehelik neu Manetualain; ndia nde been-na, baba'e malalao-malalafuk, fo imam-ma baba'en-na nde ndia, baba'ek ndia fe'ek neme bi'ilopo mane-a tenen-na, ma sakibolon-na, fo tunga nakanenetek-ka soona, imam-ma baba'en-na nde ndia so. Basa ndia soona, besak-ka hataholi nazir ndia, bole ninu angol.

MARKUS 7:29

Boema Yesus nafa'dan nae, “Hu ka nde o natataam ndia de, fali mu'u ma leona, te dula dale mangalau ka, ana kalua neme o ana ma dalek mai so!”

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

YOHANIS 4:50

Tutika Yesus nafa'dan nae, “Mu'u ma leona, te o ana ma lea-hai so.” Hataholi ndia namahele Yesus halan ndia, boema ana la'o leona.

HATAHOLI 10:35

Hataholi mana fe ha'da-holomata neu Manetualain, ma hataholi mana tao ndo sa, Manetualain sipok hataholi ndia. Ta nafaduli hataholi ndia neme leoina bee ka mai fa.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

RUT SUSULAN-NA 3:7

Boas na'a-ninu basa boema, ana dodoo-nana, malole-a so, de namahoko nanseli. Boema neu sungu deka no gandum madodouk-kala. No denge-dengek Rut mai, de ana silu heni Boas ba'du manalun-na, basa boema nangape'uk deka no ein-na.