PENGKHOTBAH 9:3 - Susula Malalaok Hehelu Palak Ma Hehelu Beuk

³ Da'di ua nalek matak esa, ana tuni la'e basa-basas. De ndia nde been-na dede'ak esa neni dale he'dik, sama leo manada'dik manai daebafak-ka lala'en-nan boe. Nai lelek hataholi daebafak-ka bei nai fai maso'dan-na dalek, dalen-na henuk no tatao-nono'i mangalauk-ka, ma dudu'a-aafin boeo nggoak. Boema no kaiboik natongo no fai mamaten-na.

PENGKHOTBAH 9:3 ပူးပေါင်းရင်းမြစ်များ

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

AYUB 15:16

Muda hata no hataholi daebafak fo, dudu'a-aafi tak ma manggenggeok, fo ninu tatao-nono'i mangalauk-ka, sama leo oe-a.

AYUB 21:26

Tehu, nai lates dale soona, lakandondoo sama-sama; ulek-kala ma kalatik-kala lakamomotu-lalas.

MAZMUR 51:5

Nana au manaku au salang-ngala, au afandendelek au sala-singong tataas esa.

MAZMUR 64:7

Ala tutu'u eno mangalauk, de lafa'da lae, “Ami tutu'u eno mangalauk matuaina.” Hataholi daebafak-ka dalen-na, ma dudu'a-aafin, deman-na seli, de ta hapu neuk nala fan.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

PENGKHOTBAH 2:14

Hataholi dodole da'uk-ka hapu nita enok fo sanga neu; hataholi nggoak-ka sama leo ana la'ok nafangganggama.” Tehu au boeo bubuluk ae ua-nalek fo sama, neukose tuni-na sila basa-basas.

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

PENGKHOTBAH 7:25

Tehu au anoli te'e-te'e fo sanga malelak-ka, fo ela au hapu manatee-tenok-ka, ma natataak soaneu natatanek lala'en-na. Au so'ba bubuluk sala-singok ndia tatao-nono'i nggoak, ma tatao-nono'i manalauk-ka nde been-na napalanik.

PENGKHOTBAH 8:11

Tao le'e de, mu'dak la'iesak-kana, hataholi-a tao tatao-nono'i mangalauk-ka? Hu kande ta fe huhukuk-ka no lai-laik fa.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

PENGKHOTBAH 9:2

Memak, ua-nalek matak esa ana tuni la'e hataholi-a esa-esak; Nau hataholi dale ndoos do hataholi malela ha'da tak-ka, nau hataholi malole do hataholi mangalauk, nau hataholi balisi do hataholi manggenggeok, nau hataholi fo ana tunu-hotu tutunu-hohotuk, do hataholi manatunu-hotu tak-ka boe. Hataholi malole-a, ua-nalen ta malole lena heni hataholi masala-masingok-ka fa, hataholi manasoo-supak-ka, sama no hataholi fo ana ta nau soo-supa fa.

PENGKHOTBAH 9:4

Tehu lelek bei nai fai maso'dan-na dalek nai lelek ndia hapu namahehehanak. Ade busa maso'dak-ka ta naua-nanale lena neme singa mates-sa mai hetu?

YEREMIA 16:12

Tehu emi tao-no'i mangalauk lena selukai. Emi malanga batu ma emi nau tunga ka'da emi hihii-nanaun mesam-ma fo mangalauk ndia. Emi ta nau mamahele Au fa.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

LUKAS 6:11

Tehu mese agama la ma hataholi Farisi la lamanasa lanseli, de ala mulai lalahalak la'eneu hata fo ala hapu taon neu Yesus.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

HATAHOLI 26:11

La'i ba'u ka au fepa-li'us lai uma mamaso kala dalek, ma au akasetis fo daenga lalelesi hata fo sila lamahele basa ka. Hu ka nde au amanasa mangalalaus, de nalosa au u leo kota fe'e kala u boe, fo au usis lai na.”

HATAHOLI 26:24

Paulus bei kokolak dede'a nasala'e oa na te Festus nasapala ma nae, “O mamulu ia so Paulus! O malela makadotoina ma, nde tao na o mamulu a!”

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

2 PETRUS 2:16

Tehu ana hapu fefepa mabela, hu ka nde tatao-nono'i mangalau ndia, nai lelek fo keledei na, ana kokolak ninik hataholi a hala kokolan, de nalosak no nakasetik, ana hahae tatao-nono'i kamulun ndia.