PENGKHOTBAH 9:12 - Susula Malalaok Hehelu Palak Ma Hehelu Beuk

¹² Hataholi daebafak-ka ta bubuluk faihi'da fain-na losa fa. Sama leo hihi'ik-ka nala manupui-a ma dala nala i'ak-ka, leondiak boe, soe-a tuni la'e hataholi daebafak-ka nai faik fo ana ta bubuluk-kana fa.

PENGKHOTBAH 9:12 ပူးပေါင်းရင်းမြစ်များ

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

AMSAL 24:22

Hataholi matak leondiak-ka, nakalulutuk ka'da nai hatematak esa mesak-kana, hu kande Manetualain, do manek-ka fe soe-a, dede'a anak ta ndia fa.

AMSAL 29:6

Hataholi mangalauk-ka, sala-singon, nakahihi'ik-na seluk-kana, tehu hataholi manatao ndoos-sa, namahoko ma naua-nanale.

AMSAL 6:15

Basa sila-la, neukose no kaiboik, neni soe soaneu aoinan-na, fo ana ta fo'a so'on.

PENGKHOTBAH 3:19

Leomae leo beek boe, hataholi daebafak-ka ma buna-manu ua-nalen matak esa. Fo neukose mate esa, leondiak boe fe'e-fe'ek-kala. Duas nde been-na, sama-sama mahahaek mesan. Da'di, hataholi daebafak-ka ua-nalen ta lena neme bana-manu mai fa, nana ba'eneu duas, maso'dak ndia manada'di tak.

PENGKHOTBAH 8:11

Tao le'e de, mu'dak la'iesak-kana, hataholi-a tao tatao-nono'i mangalauk-ka? Hu kande ta fe huhukuk-ka no lai-laik fa.

PENGKHOTBAH 8:8

Ta hapu hataholi esa boen, bisa napanggee, do nakamama'ak mamaten-na fa. Ndia natee-natatik esa, fo ta hapu di'o heni fan. ta bisa nala deak neme mamates-sa mai fa leomae ana sanga enok nenik ke'di-ndiuk do tipu daik boe.

PENGKHOTBAH 9:13

Manamaik ia, hapu natutu'duk ese la'en besa-besa, tao leo beek fo hataholi-a so'u laik manatee-tenok-ka:

YESAYA 24:18

Hataholi fo, nalai neme tasibu-a mai, neukose ana tu'da leo meo besik dale neu, ma hataholi fo nala meo besik-ka deak, neukose hihi'ik-ka nalan. Neukose u'daina, ana po'a neme lalai mai, ma daebafak-ka buin-na nanggengo.

YESAYA 30:13

Hu ndia de, emi masala. Emi sama leo papala nanadama mademaina, fo natandala neme lain leo dae neu; neukose no kaiboboianak, emi bala meu.

YESKIAL 32:3

Nai lelek, leoina-kala lakabubua soona, neukose Au dala ala o nenik Au dalang-nga, fo Au po'ilotak leoina-kala, ala loso o leo dae ma'dak lain mai.

HOSEA 7:12

Tehu, neukose Au lona hihi'ik, fo nai lelek ala la'ok tunga ndia soona, Au ho'u-alas, sama leo hataholi-a ho'u-na manupui-a. Neukose Au hukus, nanahu Au bubuluk basa sila tatao-nono'i mangalaun-na so.

HOSEA 9:8

Manetualain nadenu au, da'dileo nabi, soaneu fe nasanene'dak neu emi, fo anan-nala, tehu au u leo bee u boe, emi sanga enok, fo makahihi'ik au sama leo manupui-a. Laun-na musu no ami fo Manetualain nabin-nala, nai Manetualain nusan-na.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

LUKAS 12:39

Mafandendelek ia leona! Leo uni ka uma lamatuak bubuluk li'u ba'u bee nakodaa neukose ana mai soona, neukose nanea fo ela nakodaa ta masok leo uman dale neu fa.

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

2 TIMOTIUS 2:26

No enok ndia, besa ka dale nala fali, fo latapo'i leme hihi'i Nitu fo mana pa'a nalas ala, de nakasetis fo ala tunga hihii-nanau na.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

2 PETRUS 2:12

Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.