PENGKHOTBAH 9:1 - Susula Malalaok Hehelu Palak Ma Hehelu Beuk

¹ Au dodoo basa sila-la no lutu-lutuk. Manetualain ito-ato hataholi malole ma manatee-tenok-ka so'dan-nala nakalenak metema hataholi ndia nakamuu-nakadau do ana sue lai. Ta hapu hataholi bubuluk hata fo ana da'di nai fai makabuin fa.

PENGKHOTBAH 9:1 ပူးပေါင်းရင်းမြစ်များ

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

AYUB 27:12

Tehu, emi basa-basam-mala, mita matam so. Da'di, teo le'e de, emi fe nanoli-nafa'dak, fo sosoa-ndandaa tak?”

AYUB 5:8

Metema au nde o soona, neukose au aloo bou-bou neu Manetualain. Neukose au kalaak au dede'ang-nga neun.

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 119:109

Au ase'o au so'dang-nga tataas esa, tehu au ta afandele heni, O hoholo-lalanem fa.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 73:3

nana au ape'da dalek neu hataholi manakoao-ndaeaok-ka, ma nai lelek au ita hataholi mangalauk-ka, ua-nalen malole.

AMSAL 16:3

Fe la'iesak o dale tutu'um-ma neu Manetualain, soona neukose o makalala'ok-kana te, neni buna-boak.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 10:14

Memak, hataholi nggoak-ka bafa maloa. Fai manamaik-ka nananafunik ba'eneu ita basa-basa-tala. Ta hapu hataholi bisa nafa'da ela manada'dik fo nai lelek ita tat-tala so.

PENGKHOTBAH 7:15

Au so'dang-nga sosoa-ndandaan ta, tehu nai au fai maso'dang ndia dalek, au itak-ka nde ia: Nasi'a hataholi malole-a mopo-mate, leomae hataholi ndia ana tunga agama no malole. Nasi'a hataholi manatao tatao-nono'i mangalauk-ka teun-na manalu, leomae ana tao sala-singok nakandoo.

PENGKHOTBAH 7:25

Tehu au anoli te'e-te'e fo sanga malelak-ka, fo ela au hapu manatee-tenok-ka, ma natataak soaneu natatanek lala'en-na. Au so'ba bubuluk sala-singok ndia tatao-nono'i nggoak, ma tatao-nono'i manalauk-ka nde been-na napalanik.

PENGKHOTBAH 8:14

Tehu basa sila-la bafa louk mesak-kana. Mete ka'da hata fo ana da'di nai daebafak ka: Hapu hataholi kamahehelek-ka nanahukuk sama leo hataholi malelesik. Hapu hataholi mangalauk-ka, hapu ngga'di sama leo hataholi kamahehelek. Da'di, ndia boeo manada'di tak.

PENGKHOTBAH 8:16

Lelek au sanga enok fo hapu manatee-tenok-ka, ma au taoafik neu manada'dik manai daebafak ia lala'en-na, boema au ame'dan, leomae lele'do-le'odaen ita sota-mate, ta hahaeao-tala faa anak boen,

PENGKHOTBAH 8:7

Ta hapu hataholi esa boen, bubuluk ua-nale beek kande nahani nana fa, ma ta hapu hataholi bisa nafa'da hata fo neukose ana da'di fa.

PENGKHOTBAH 9:6

Name'da susue tou-ta'ek ma iina-anafe'ok-ka, nakamuu-nakadauk-ka, ma dale hihiik fo manalua ponu-ponuk-ka, basa-basas mate sama-sama lon. Ana ta ho'i seluk baba'ek hata-hata nai basa manada'dik manai daebafak-ka lala'en-na so'on.

YESAYA 26:12

Manetualain, neukose O taom-ma ami, tetu-temak; basa hata lala'en fo ami tao-no'in, O nde tao-no'in ba'eneu ami.

YEREMIA 43:6

Touk, inak, ni'iana, ma manek-ka ana fe'on-nala fo Nebuzaradan fen neu Gedalya paleta-koasa-la, fonde au ma Barukh, basa-basas nananok lo Masir neu.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.