PENGKHOTBAH 8:8 - Susula Malalaok Hehelu Palak Ma Hehelu Beuk

⁸ Ta hapu hataholi esa boen, bisa napanggee, do nakamama'ak mamaten-na fa. Ndia natee-natatik esa, fo ta hapu di'o heni fan. ta bisa nala deak neme mamates-sa mai fa leomae ana sanga enok nenik ke'di-ndiuk do tipu daik boe.

PENGKHOTBAH 8:8 ပူးပေါင်းရင်းမြစ်များ

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

2RAJA-RAJA 7:15

Ala la'o de, ala losa Lee Yarden-na. Nai eno manalu ndia dalek, lita bua papakek, ma taka-besi besenggela-besenggali. Hataholi Siria-la, ala tu'u-tapa heni basa bua-lo'as sila-la leondiak mesan, ndek lelek lalai-a. Hataholi nananadenuk sila-la, ala fali ma'is, de lafa'da manada'dik ndia, neu manek-ka. La'e nai faik ndia, manek-ka manamanean-na, ana hapu bela-ba'uk, fo taoafik neu kota lelesuinan-na.

AYUB 14:5

O maketu basa, hataholi daebafak-ka, teun-na so; O maketu basa bulan-na, dede'un-na so. O maketu so'dan-na, too-lanen boe; de ta bisa, ana nggani seli fan.

AYUB 34:14

Leouni'ka, Manetualain ho'i falik, hataholi daebafak-ka samanen-na, ma Ana ho'i falik ani hahaek-ka,

MAZMUR 89:48

Mafandele au, te au so'dang ia, keke'uanak nanseli, O makadada'dik hataholi daebafak-ka, da'di leo mahahaek fo, manasapu-manalalok.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

AMSAL 12:3

Ta hapu hataholi esa boen, fo ua-nalen malole nahele, hu kande tatao-nono'i mangalauk-ka; tehu hataholi manatao tunga ndoon-na, natea nahele, de ta nanggengo fa.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

PENGKHOTBAH 3:21

Ita ta bubuluk, ade hataholi daebafak-ka duladalen-na kae leo lain neu, ma bana-manu duladalen-na kona leo dae dale neu fa.

PENGKHOTBAH 8:13

Nasafalin-na, hataholi mangalauk-ka hapu toto'a-tataak makadotok. So'dan-na sapu-lalo no lai-laik, sama leo salaok-ka. Neukose ana matenulak nanahu ana ta tunga ndia Manetualain-na fa.

PENGKHOTBAH 9:12

Hataholi daebafak-ka ta bubuluk faihi'da fain-na losa fa. Sama leo hihi'ik-ka nala manupui-a ma dala nala i'ak-ka, leondiak boe, soe-a tuni la'e hataholi daebafak-ka nai faik fo ana ta bubuluk-kana fa.

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YESAYA 28:18

Emi hehelu-balataam mo mamates-sa, ma emi mala halak mo hataholi manamatek-kala daebafan-na, neukose ta da'di fa, nalosa, metema soe-a ana mai soona, emi lutu-lutu, nanahu nanaheheta-aa'ik.

YESAYA 47:10

O mame'da, o dalem-ma tesa-tama nai o tatao-nono'i mangalaum-ma dalek, o dodoo mae, o tatao-nono'im, nanataoafi tak. O manatee-tenom-ma, ma o malelam-ma, ana taon-na o, matofa-matalak, o maedaenga, ta hapu hata, fo sama leo o fa.

1 KORINTUS 15:43

Nai lelek fo ao paak ndia nananatoik, ao paak ndia ta malole ma ndole-ndaku, tehu nai lelek fo nanatao naso'da fali ka, ao paak ndia nde bee na ao paak malole ma balakaik.

2 KORINTUS 13:4

Memak nai lelek ala lona-nggange nana, Ana male-tale, tehu basa boema naso'da hu ka nde Manetualain koasa na. Ami boeo male-tale nai ami maso'dam fo da'di esa mo Kristu sa dalek, tehu metema ami masasale matak mo emi soona, ami boeo balakaik sama-sama mo Kristus, hu ka nde Manetualain koasa na.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.