PENGKHOTBAH 8:6 - Susula Malalaok Hehelu Palak Ma Hehelu Beuk

⁶ Ba'eneu hata lala'en-na hapu fain-na, ma enon-na mesak-kana, tehu ita talelak ka'da faa anak nanaseli!

PENGKHOTBAH 8:6 ပူးပေါင်းရင်းမြစ်များ

AYUB 10:13

Tehu besak ia au bubuluk ae sekom-ma basandia, te no denge-dengek, O tutu'u au fai soeng-nga.

AYUB 33:17

Dudu'an-na nae, fo ela ala hahae tao sala-singok, ma ala tu'u-tapa heni, sila koao-ndaeaon-nala.

AYUB 33:19

Manetualain kena-ka'i hataholi-a, nenik Ana fe he'di-laus mai, nalosa he'dis-sa kapu aopaan-na.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 3:1

Basa hata lala'en-na nai daebafak ia ana da'di nai faik fo Manetualain naketu basan so.

PENGKHOTBAH 3:11

Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 3:17

Au dale dodoong-nga, neukose Manetualain naketu-nala'di, nau hataholi malole do hataholi mangalauk boe, nana nai de'deak lala'en-na, ma tatao-nono'ik lala'en-na, neukose ala da'di nai faik fo Manetualain naketuk-ka.

LUKAS 13:25

Nai lelek uma lamatuak fo'a napadeik de ana kena lelesu na, ndia te emi mapadeik nai deak de emi dedelu lelesu a, boema emi mafa'dan mae, ‘Tuan, soi fe ami lelesu leona!’ Soona neukose Tuan ndia nataa nae, ‘Au ta bubuluk emi meme bee mai fa!’