PENGKHOTBAH 7:9 - Susula Malalaok Hehelu Palak Ma Hehelu Beuk

⁹ Boso haelai mamanasa; ka'da hataholi nggoak kande nape'da dalek.

PENGKHOTBAH 7:9 ပူးပေါင်းရင်းမြစ်များ

KEJADIAN 4:8

Boema Kaen nafa'da fa'din Habel nae, “Mai fo, ata teu leo tina teu.” Lelek ala losa tina boema, Kaen sapun-na fa'din Habel, de ana taonisan.

2 SEMUEL 13:22

Absalom nape'da dalek nanseli neu Amnon, de ana ta nau kokolak non so'on, nanahu ana tao tatao-nono'i mangalauk no fa'din Tamar.

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

2 SEMUEL 13:32

Tehu Yonadab, fo Dauk ka'an Simea anan-na nae, “Ama Manek, dalem-ma boso ba'ihana, ma boso dodoo-dudu'a mae mate la'iesak Ama Manek anamanen-nala so. Mate ka'da Amnon mesak-kana, nana ana da'di mangale'dok so, nae Absalom dale hihiin-na nde ndia, mulai neme lelek fo, Amnon tao tatao-nono'i mangalauk no fa'din Tamar.

2 SEMUEL 19:43

Boema, hataholi Israel-la, lataa lae, “Ami hak soaneu manek-ka, ba'u lena emi hak-ka la'i sanahulu, leomae manek-ka nde been-na, emi tia-laim. Tao le'e de, emi makadadaek ami? Boso mafandele henin te, ami nde mafa'da makasososa fo loo falik manek-ka!” Tehu hataholi Yehuda-la latea lena heni hataholi Israel-la, de ala ta nau kala fa.

AMSAL 14:17

Hataholi fo ana hii namanasa, ana ho'i nakeketu nggoak; tehu hataholi manatee-tenok-ka, ana ta haelai namanasa fa.

AMSAL 14:29

Hataholi manatee-tenok-ka, ta namanasa lai-laik fa; tehu hataholi nggoak-ka, ta hapu nakatataka-na, aoinan-na fa.

AMSAL 16:32

Hataholi fo, ana ta haelai namanasa fa, malole lena heni palani tatibatu esa; hataholi fo, ana paletan-na aoinan-na, malole lena heni hataholi manaloso-na kota.

AMSAL 25:8

Boso makalupu kalaak dede'ak leo manakee-manafulu neu; nana, metema neu fai makabuin, fo hapu buti nae, o masalak soona, o bisa tao beek bai?

PENGKHOTBAH 7:10

Boso matane mae, “Tao le'e de, lelek makahulun-na malole lena neme lelek besak ia mai?”. Ka'da hataholi panganaa nde natane leondiak.

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”

YUNUS 4:9

Tehu Manetualain nafa'dan nae, “Ta nandaa, o dale he'di leondiak hu ka nde aiana ndia mamaten-na fa!” Boema, Yunus nataa nae, “Tao leo bee de, ta? Ndandaan-na, au amanasa anseli losa mate dei.”

MARKUS 6:19

Hu ndia de Herodias nape'da dalek no Yohanis de ana nau taonisa Yohanis, tehu ta da'di fa nana Herodes napanggenggen.

MARKUS 6:24

Boema anafe'oanak ndia neu natane inan nae, “Ina, au muse oke hata bee ka fo nde malole a?” Boema inan nafa'dan nae, “Moke Yohanis Mana Salani ka langa na.”

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.