PENGKHOTBAH 7:5 - Susula Malalaok Hehelu Palak Ma Hehelu Beuk

⁵ Malole lenak hapu kaka'ik neme hataholi dale malole neme nanakoa-nanakiok neme hataholi fo ta nalelak makandondook fa.

PENGKHOTBAH 7:5 ပူးပေါင်းရင်းမြစ်များ

MAZMUR 141:5

Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

MAZMUR 69:12

Au pake si'di kalong, fo da'di ta'du-tana manasusak, tehu ala kokolak holo au.

AMSAL 13:13

Hataholi fo nakadadaek Manetualain nanolin-na, ana tao soe aoinan-na; tehu hataholi fo, ana tunga Manetualain hoholo-lalanen-na, neukose ana hapu ngga'din-na.

AMSAL 13:18

Hataholi fo, ana ta nau nanoli fan-na, ana da'di nuu-taa hata-taak ma nananakadadaek; tehu hataholi fo, ana taoafik neu nanoli-nafa'dak-ka, neukose nanafe ha'da-holomata.

AMSAL 17:10

Kena-ka'ik esa, sosoa-ndandaan lena, ba'eneu hataholi dale malole-a lena heni filuk hataholi dudu'a-aafi taak-ka la'i natun esa.

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

AMSAL 27:6

Tia-laik-ka, ana fepa nenik susue-lalaik, tehu musu-a, ana holu nenik laso.

AMSAL 6:23

Emi ina-amam-mala paletan-nala nono'kabai banuk fo mangale'dok-ka; sila kekena-kaka'in-nala latu'du fe emi so'dak-ka heheo-hihilun fo malole.

AMSAL 9:8

Boso makadadaek hataholi fo ana ta nau nanoli-nafa'da fan, te neukose ana nakamuu-nakadau o. Tehu metema o matu'du hataholi manatee-tenok-ka salan-na soona, neukose ana nalelak ha'dak neu o.

PENGKHOTBAH 12:11

Hataholi dodole maneu-a hala-kokolan ndia, sama leo manafoo esa aitete'e matanen-na, aitete'ek fo ana paken soaneu nasulu-nahapa bi'ilopon-nala. Dede'a makandandaak ma nanoli-nafa'dak, nanatao nakabubuak sama leo pakuk-ka ana tola de nahele. Manetualain baba'e-babatin basa sila-la boe, Ndia fo ita manafoo kisan-na.

PENGKHOTBAH 7:4

Hataholi nggoak-ka, usi nahele namahoko-seteleek-ka. Hataholi dodole matane-a, dudu'a-dodoo mamates-sa tataas esa.

PENGKHOTBAH 9:17

Malole lenak nenene hataholi malelaina esa hala-kokola mangana'un-na neme hataholi manakoasa esa eekin-na nai hataholi panganaa-la nakabubuan dale.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.