PENGKHOTBAH 7:17 - Susula Malalaok Hehelu Palak Ma Hehelu Beuk

¹⁷ Boeo boso da'di hataholi mangalauk manseli, do panganaa manseli. Sosoak hata, mate te beita losa fain-na fa?

PENGKHOTBAH 7:17 ပူးပေါင်းရင်းမြစ်များ

2 SEMUEL 6:20

Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

AYUB 22:16

Sila fai mamaten-na, beita losa fa te, sila nanaloso-nak so, de faa ba'u nenis.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

AMSAL 10:27

Fe ha'da-holomata neu Manetualain soona, neukose o maso'da maladook-ka; hataholi mangalauk-ka maten, te fain-na beita losa fa.

YESKIAL 16:20

Basa boema, o tunu-hotu ita anan-nala, ina touk da'di tutunu-hohotuk soaneu sosongo-tatangok. O ta lilineka neu Au-a, beita dai fa do?

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

HATAHOLI 16:28

Tehu Paulus nalo napane'e nae, “Boso do'doaom te ami basa-basa mala bei nde ia!”

HATAHOLI 5:10

No hatematak ndia boe, Ananias saoinan ndia ana bala neu de maten nai Petrus mata na. Lelek touana muli solu kala ala leo dalek leu de ala mete te, maten so. Boema ala ndolo la popola na de leu latoin neu saotou na boboa na.

HATAHOLI 5:5

Leondiak Ananias namanene dede'ak ndia, tutika ana bala neu de maten. Basa hataholi mana lamanene dede'ak ndia, ala bii lanseli.

YAKOBIS 1:21

Hu ndia de, tu'u-tapa heni basa ha'da-tatao manggenggeok ma tatao-nono'i mangalauk lala'ena. Sipok ma Manetualain sele-nggali dede'a-kokolan manai emi dalem dale ndia, no dale nakaloe-nakadaek, nana dede'a-kokolak sila la, lanuu be'ibalakaik soaneu ana soi-tefa nala emi.

SEMUEL SUSULAK-KA ESAN-NA 25:38

Fafa'kama, ta'da faik sanahulu boema, Manetualain fe he'dis-sa la'e seluk bade'en-na de maten.