PENGKHOTBAH 7:15 - Susula Malalaok Hehelu Palak Ma Hehelu Beuk

¹⁵ Au so'dang-nga sosoa-ndandaan ta, tehu nai au fai maso'dang ndia dalek, au itak-ka nde ia: Nasi'a hataholi malole-a mopo-mate, leomae hataholi ndia ana tunga agama no malole. Nasi'a hataholi manatao tatao-nono'i mangalauk-ka teun-na manalu, leomae ana tao sala-singok nakandoo.

PENGKHOTBAH 7:15 ပူးပေါင်းရင်းမြစ်များ

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

PENGKHOTBAH 2:23

Su'di beek fo ana taon nai naso'dan-na dalek, ka'da neni doidosok ma dale he'dik ba'eneun. Nai fai le'odaen-na boeo, dalen-na ta tesa-tama fa. Da'di basa sila la mate'en-na manada'di taak.

PENGKHOTBAH 3:16

Hapu seluk hata fo au itan nai daebafak ia, fo nde: Nai bee fo muse hapu ndoos ma matetuk-ka, ma tatao-nono'i malole soona, nai ndia hapu tatao-nono'i mangalauk.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

PENGKHOTBAH 9:9

Mame'da mita maso'dak-ka moo o saoina susue-lalaim nai o fai maso'da manada'di tam fo Manetualain fen neu o nai daebafak-ka. Mame'da mitan tunga fa'ik, leomae sosoa-ndandaan ta boe. Nana o sosota-mamangum ngga'din-na ka'da ndia mesak-kana.

YESAYA 65:20

Anan-nala ta mate, nai lelek bei anan-nala, ma neukose, touinak-kala, laso'da losa lamalasi. Hataholi fo, teun natun esa, neukose lafa'da lae, bei muli-soluk, ma manamate makahuluk sila-la, lafa'da lae, Au huhukung-nga la'es.

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.