PENGKHOTBAH 7:13 - Susula Malalaok Hehelu Palak Ma Hehelu Beuk

¹³ Taoafik neu Manetualain tatao-nono'in. Nana see kande ta hapu tao namandoo hata fo Manetualain tao napeko-pakin?

PENGKHOTBAH 7:13 ပူးပေါင်းရင်းမြစ်များ

AYUB 11:10

Metema, Ana ho'un-na o, fo no o leo manakee-manafulan neu, soona see kande napalani napanggenggee Ndia?

AYUB 12:14

Hata fo, Manetualain ofe henin, soona ta bisa nafofo'a falik-kana so'on, Manetualain tao see, da'di hataholi nanafook soona, ta nana po'ik so'on.

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

AYUB 37:14

Hai Ayub, denge-denge ba'ihanak dei, fo mamanene leona; taoafik neu Manetualain manada'di beun-nala.

AYUB 9:12

Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

MAZMUR 107:43

Ela leo bee-na, hataholi manatee tenok-ka, dudu'a-dodoo basa dede'ak sila-la, ma ana manaku, nae Manetualain sue-lai nahele.

MAZMUR 8:3

de ni'iana manasu'uk-kala, ma ni'iana bongi beuk-kala lakameen. O paletam-ma, matea-mahelek, ma ta nanggengo fo tao makatema musu-a, ma hataholi mana lape'da dalek-ka, bafan-na.

PENGKHOTBAH 1:15

Fo manapeko-pakik-ka, ta hapu tao namandoo fan, ma hata fo ta hapu fan, ta hapu leke nala fan.

PENGKHOTBAH 3:11

Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 8:17

ita ta bisa talelak Manetualain nakeketun-na fa. Ita sanga enok tao leo beek boeo, ita ta hapu talelak-kana makandondook fa. Hataholi dodole maneu-a manaku nae nalelak-kana, tehu tunga ndoon-na, ta nalelak-kana fa.

YESAYA 14:27

Manetualain Fo Manakoasa, naketu basa, soaneu tao leondiak. Ana so'uk liman-na, soaneu Ana huku, de hataholi esa boen, ta hapu kena-ka'i fan.

YESAYA 43:13

Au Manetualain ahele, losa dodoon-na. Ta hapu esa boen, fo ana hapu naladeak neme Au koasang-nga mai fa, do napanggengge Au dale tutu'ung-nga.”

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

LUKAS 12:26

Metema no ka'da dede'a kome'doana ndia mesa kana boeo, emi ta hapu tao mala fan, tao le'e de emi dale ma falahaa la'eneu dede'a fe'e kala?

ROMA 9:15

Nana Manetualain nafa'da Musa nae, “Au atu'du susue-lalaik neu hataholi fo Au nau atu'du Au susue-lalaing neun, ma neukose Au atu'du Au dale kasia nga neu hataholi fo Au nau atu'du Au dale kasia nga neun.”

ROMA 9:19

Naa, neukose tolanoo ka mafa'da au mae, “Metema leondiak soona, tao le'e de Manetualain bei nau fe salak neu hataholi daebafa ka bai? Tete'e ka ta hapu hataholi esa boen hapu kena-ka'i na Manetualain dale hihii na fa do?”

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.