PENGKHOTBAH 6:9 - Susula Malalaok Hehelu Palak Ma Hehelu Beuk

⁹ Basa sila-la manada'di tak sama leo sanga enok fo usi anin-na. Malole lenak, ata tame'da dai nenik hata fo ita tanuun, neme tahiik ba'uk-ka seluk tataas esa.

PENGKHOTBAH 6:9 ပူးပေါင်းရင်းမြစ်များ

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 1:2

Manadudu'a-dodook-ka nafa'da nae, Basa-basan lala'en-na manada'di tak, ma sosoa-ndandaan ta. So'dak ndia palsuma, ma basa-basan sosoa-ndandaan ta.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 6:2

Nasi'a Manetualain fe hataholi esa su'i-betes, ha'da-holomata ma hata-heto, nalosa ta hapu seluk hata fo nahiik-kana so'on. Tehu Manetualain ta fen loak na'a nita basa baba'e-babatik ndia fa. Nasafalin-na, hataholi fo Ana ta nalelak-kana fa, neukose nde na'a nita su'i-betes ndia. Da'di basa sila la manada'di tak, ma neni dale he'dik.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.