PENGKHOTBAH 6:2 - Susula Malalaok Hehelu Palak Ma Hehelu Beuk

² Nasi'a Manetualain fe hataholi esa su'i-betes, ha'da-holomata ma hata-heto, nalosa ta hapu seluk hata fo nahiik-kana so'on. Tehu Manetualain ta fen loak na'a nita basa baba'e-babatik ndia fa. Nasafalin-na, hataholi fo Ana ta nalelak-kana fa, neukose nde na'a nita su'i-betes ndia. Da'di basa sila la manada'di tak, ma neni dale he'dik.

PENGKHOTBAH 6:2 ပူးပေါင်းရင်းမြစ်များ

1RAJA-RAJA 3:13

Lena-lenak hata fo o ta moke fan boeo, neukose Au fen neu o: nai o fai maso'da ma dalek, neukose o mamasu'i ma nanafe ha'da-holomatak lena heni mane fe'ek see boe.

1 TAWARIKH 29:25

Manetualain tao na basa laun Israel-lala'en-na so'ulaik Manek Salomo-a ma ala taon da'di manek nananita-nalelak neme su'di manek bee mai, fo ana paleta hai Israel so boe.

1 TAWARIKH 29:28

Ana namasu'i ma nanafe ha'da-holomata de maten nai fai lasin dale. Anamanen Salomo nggatin da'di manek.

2TAWARIKH 1:11

Manetualain nataa Salomo nae, “O nonokem ndia malole. O ta moke su'i-betes do hata-heto do kokoa-kikiok do o musum-mala mamaten-nala do fe o teu manalu fa, tehu o moke manatee tenok ma malelak soaneu paleta Au anang fo Au fen neu o.

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 73:7

Tatao-nono'i mangalauk-ka po'a-ngganga neme dalen-nala dalek mai; ala lakalupu ka'da tutu'u eno mangalauk.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 5:13

Tehu hata-heto ndia mopon, nanahu susa-soe esa, de ana ta hapu la'oela hata esa boen soaneu anan-nala fa.

PENGKHOTBAH 5:16

Nai ita fai maso'dan-na dalek, ita tafangganggao nai makahatuk dale, ita susa, ita dalen-na ta tesa-tama fa, tamanasa ma dale he'dik.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 5:19

Manetualain tao nahenu hataholi ndia dalen-na nenik namahoko-seteleek-ka, de ana ta hela-hae no dudu'a-dodoo la'eneu maso'da keke'uanan ia so'on.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

DANIAL 5:18

Manetualain Fo Mademaina, tao-na Ama Manek aman Nebukadnezar, da'di manek mandela-masa'ak, ma Ana fen matua-madema ma nananita-nalelak.

HOSEA 7:9

Ta lame'da lae, hu ka nde ala da'di esa loo leoina sila-la, de mopo be'i-balakain-nala so. Sila so'da mate'en-na sanga deka ndia so, tehu ala ta bubuluk-kana fa.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

ULANGAN 28:43

Hataholi nusa dea fo, manaleo manai emi nusam-ma, neukose ala boetai hapu koasa, tehu emi koasam-ma, ana boetai loe leo dae neu.