PENGKHOTBAH 6:12 - Susula Malalaok Hehelu Palak Ma Hehelu Beuk

¹² Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

PENGKHOTBAH 6:12 ပူးပေါင်းရင်းမြစ်များ

1 TAWARIKH 29:15

O bubuluk ou Manetualain, mae sama leo basa ami bei-ba'i kaim-mala, ami boeo nai ami so'dam ia dalek da'di leo hataholi manamai ma hataholi nusa dea. Ami so'dam-ma sama leo salaok fo manasapu-lalok-ka, ma ami ta hapu matapo'i meme mamates-sa mai fa.

AYUB 14:2

Ana napena, ma ana male, sama leo bunga; mopok-kana, sama leo salaok-ka, fo mopon nakandoo.

AYUB 14:21

Anan-nala da'di hataholi nananita-nalelak, tehu ana ta bubuluk-kana fa. Ma metema, ala da'di hataholi nananakamumulu-nakamamaek soona, ta hapu hataholi nafa'da fan.

AYUB 8:9

Ita so'dan-na keke'uanak, te ita ta buhuluk hata-hata fa; ita fai maso'dan-na, sama leo salaok-ka.

MAZMUR 102:11

nana O so'u-ma au, de O tapaheni au nai O nasa-melum, manapila lo'a-lo'am-ma dalek.

MAZMUR 109:23

Isabain-na, mopo au, sama leo salaok-ka, nai fai le'donoson-na, ma au nananggafu henik, sama leo lamak-ka.

MAZMUR 144:4

Hataholi daebafak ndia, sama leo ani hahaek esa, sama leo salaok, fo mopok-kana, soona, hataholi daebafak-ka, so'dan-na leondiak.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

MAZMUR 4:6

Tunu-hotu tutunu-hohotuk no matetuk ma mamahele neu Manetualain.

MAZMUR 47:4

Ana fe ita sesengik neu leoina-la, Ana tao ita da'di manakoasa neu leo-leo ma leoina-la.

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

PENGKHOTBAH 10:14

Memak, hataholi nggoak-ka bafa maloa. Fai manamaik-ka nananafunik ba'eneu ita basa-basa-tala. Ta hapu hataholi bisa nafa'da ela manada'dik fo nai lelek ita tat-tala so.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

PENGKHOTBAH 2:24

Ba'eneu hataholi daebafak-ka, ta hapu hata esa malolen-na lena neme nana'ak, nininuk mai fa, ma name'da nita ue-le'din buna-boan. Au ame'da ae ndia boeo, Manetualain baba'e-babatin.

PENGKHOTBAH 2:3

Au hihii-nanaung nakatutuluk au, fo au da'di hataholi dodole da'uk, ma au daleng-nga kisak soaneu amahoko-setelee nenik au inu angol ma tao feta dote. Au ae daenga, ndia nde enok malole ba'eneu hataholi daebafak-ka, fo ana bubuluk maso'dan-na keke'uanak nai daebafak ia.

PENGKHOTBAH 3:22

Hu ndia de, au ame'da ae ta hapu hata fo malole lena ba'eneu hataholi daebafak-ka, neme name'da nita ue-le'din buna-boan. Fe'ek neme ndia mai, ta hapu hata fo ana taon fa. Nai lelek maten soona, ana ta bisa bubuluk hata fo neukose ana da'di fa.

PENGKHOTBAH 6:11

Ana boetai nase'i nala dook-ka, boetai hala-kokolan sosoa-ndandaan ta, nakalenak ana ta hapu nanalak hata esa boen.

PENGKHOTBAH 7:15

Au so'dang-nga sosoa-ndandaan ta, tehu nai au fai maso'dang ndia dalek, au itak-ka nde ia: Nasi'a hataholi malole-a mopo-mate, leomae hataholi ndia ana tunga agama no malole. Nasi'a hataholi manatao tatao-nono'i mangalauk-ka teun-na manalu, leomae ana tao sala-singok nakandoo.

PENGKHOTBAH 8:13

Nasafalin-na, hataholi mangalauk-ka hapu toto'a-tataak makadotok. So'dan-na sapu-lalo no lai-laik, sama leo salaok-ka. Neukose ana matenulak nanahu ana ta tunga ndia Manetualain-na fa.

PENGKHOTBAH 8:7

Ta hapu hataholi esa boen, bubuluk ua-nale beek kande nahani nana fa, ma ta hapu hataholi bisa nafa'da hata fo neukose ana da'di fa.

PENGKHOTBAH 9:6

Name'da susue tou-ta'ek ma iina-anafe'ok-ka, nakamuu-nakadauk-ka, ma dale hihiik fo manalua ponu-ponuk-ka, basa-basas mate sama-sama lon. Ana ta ho'i seluk baba'ek hata-hata nai basa manada'dik manai daebafak-ka lala'en-na so'on.

PENGKHOTBAH 9:9

Mame'da mita maso'dak-ka moo o saoina susue-lalaim nai o fai maso'da manada'di tam fo Manetualain fen neu o nai daebafak-ka. Mame'da mitan tunga fa'ik, leomae sosoa-ndandaan ta boe. Nana o sosota-mamangum ngga'din-na ka'da ndia mesak-kana.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.