PENGKHOTBAH 6:11 - Susula Malalaok Hehelu Palak Ma Hehelu Beuk

¹¹ Ana boetai nase'i nala dook-ka, boetai hala-kokolan sosoa-ndandaan ta, nakalenak ana ta hapu nanalak hata esa boen.

PENGKHOTBAH 6:11 ပူးပေါင်းရင်းမြစ်များ

MAZMUR 73:6

Hu ndia de, latu'du heo-hilu koao-ndaeaok, ma ala tao no naseti-nalakak tataas esa.

PENGKHOTBAH 2:15

Boema au dodoo ae, “Ua-nalek fo manatuni-na hataholi nggoak-ka, neukose au la'o la'din boe. Da'di, au manatee-tenong lala'en-na, sosoa-ndandaan-na beek?” Boema au ho'i nakeketuk ae manatee-tenok ndia, memak sosoa-ndandaan ta makandondook.

PENGKHOTBAH 3:19

Leomae leo beek boe, hataholi daebafak-ka ma buna-manu ua-nalen matak esa. Fo neukose mate esa, leondiak boe fe'e-fe'ek-kala. Duas nde been-na, sama-sama mahahaek mesan. Da'di, hataholi daebafak-ka ua-nalen ta lena neme bana-manu mai fa, nana ba'eneu duas, maso'dak ndia manada'di tak.

PENGKHOTBAH 4:16

Nauli-nalanga laun-nala, fafa'kama ta leke nala dede'un-nala fa, tehu ana la'o soona, ta hapu hataholi noke makasi soaneu nafandele tatao-nono'i malolen-na fa. Memak, basa-basan manada'di tak, sama leo sanga enok fo usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 5:7

Boso dodoo doak-kana, metema mita manakoasa-la tuni-ndeni hataholi nuu-taa hata-taak-ka, loso-la hataholi sila haak-ka, ma ala ta fes ndoos ma matetuk fa. Malangan-na nasulu-nahapa hataholi mana'a ngga'di-la esa-esak, ma manapaleta manai lain-na nasulu-nahapa duas.

PENGKHOTBAH 6:10

Basa hata lala'en manai ia, nai ia neme dook eli mai so. Ita bubuluk tae, hataholi daebafak-ka ta hapu nase'i no hataholi fo balakain-na lena neme ndia mai fa.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.