PENGKHOTBAH 5:5 - Susula Malalaok Hehelu Palak Ma Hehelu Beuk

⁵ O hala-kokolam boso tao-na o masala-masingo, nalosa no nakasetik, o mafa'da imam fo nalalau-naoono Manetualain, nae o kokolak sala hehelu-balataak-ka. Sosoak hata, o taom-ma Manetualain namanasa o, nalosa Ana tao nakalulutuk o ue-le'din buna-boan?

PENGKHOTBAH 5:5 ပူးပေါင်းရင်းမြစ်များ

AMSAL 20:25

Beita maheluk fe Manetualain tutunu-hohotuk fa te, dodoo matalololen dei. Bole da'di, neu fai makabuin te, neukose o masasale dale.

IMAMAT 5:4

Metema, hataholi esa nasala, nanahu ana soo-supa pepekok nenik ana tao tofa-tafi, fo ana tao su'di beek-ka, basa boema, name'da-na tatao-nono'in ndia.

YUNUS 2:9

Tehu neukose au akamee nakamee kokoa-kikiok ba'eneu O ma au tunu-hotu tutunu-hohotuk soaneu O. Neukose, au tao atetu au hehelu-balatang lala'en-na O nde Manetualain fo manasoi-tefa.”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

HATAHOLI 5:4

Dae ndia o beita mase'o fa nana, o daem ndia. Ma o mase'oheni dae ndia de doi nala, o doim sila boe. Na tao le'e de, o manuu dudu'uk ndia nai o dalem dale, de o tao leondiak. O ta masapepeko neu hataholi daebafa ka nde ndia fa, te o masapepeko neu Manetualain nde ndia!”

ULANGAN 23:21

Metema, emi helu mae, emi fe hata esa leo emi Manetualaim-ma neu soona, no lai-laik, tao matetu emi hehelum ndia, nanahu emi Manetualaim-ma, Ana la'ok nakandoo, fo metema, emi ta tao matetu fan soona, emi masala-masingo.

ULANGAN 23:22

Metema, emi ta tao hehelu-balataak moo Manetualain fa soona, emi ta masala-masingo fa.

HAKIM-HAKIM 11:35

Leondiak Yefta nitan boema, Yefta dalen-na he'dis nanseli, nalosa ana sii-sii lulu'i ba'dun-na, ma nae, “Awii, anang-ngonei, au daleng-nga nakalulutuk! Tao le'e de, o taom-ma au daleng-nga he'dis-sa? Au soo-supa basa neu Manetualain so, de au ta hapu hela falik-kana so'on!”