PENGKHOTBAH 5:17 - Susula Malalaok Hehelu Palak Ma Hehelu Beuk

¹⁷ Boema au bubuluk ae, fo malole nanseli ba'eneu ita, nde ta'a-tinu fo tame'da tita ita ue-le'din buna-boan nai ita maso'da keke'uanan fo Manetualain fen neu ita; Ndia nde ita ua-nalen-na.

PENGKHOTBAH 5:17 ပူးပေါင်းရင်းမြစ်များ

KEJADIAN 3:17

Boema Manetualain nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

1RAJA-RAJA 17:12

Boema inafalu ndia nataa nae, “No Manetualain fo maso'dak-ka, na'den-na, fo hataholi Israel-la Manetualain-na, fo au soo ae au loting ta. Au anuu ka'da ha'desopuk la'uk esa nai mango dale, ma mina setun faa anak nai boto dale. Au bei hehele ai ha'i fo au do'de-nasu ha'desopu faa anak ndia, fo daenga au o au anang-nga mi'a. Ami nana'a mate'e ma nde ndia so; basa ndia soona, neukose ami mahani ka'da mamates sa mamain.”

2RAJA-RAJA 1:2

Faik esa boema, Mane Ahazia neme Israel mai, de ana tu'da neme uma manek manai Samaria, ta'dak lain mai, nalosa makahina belak. Boema nadenu hataholi, fo neu natane Baal-Zebub, fo kota Ekron-na nai Filistin, lamatua daebafan-na, ade neukose ana lea-hai do ta.

2RAJA-RAJA 1:6

Boema lataa lae, “Touk esa mai, de nadenu ami fali ma'im-ma, fo ami mafa'da Manetualain halan-na, neu Ama Manek nae leo ia, ‘Ade ta hapu Manetualain nai Israel so'on, de nalosa o madenu ami neu moke natutut'duk neme Baal-Zebub, fo kota Ekron-na, lamatua daebafan-na? O ta lea-hai so'on, de neukose mate o!.’ ”

2RAJA-RAJA 5:27

Hu kande, o sipo buas sila-la, de neukose, o sipo Naaman he'di-laun boe. Nakalenak, losa dodoon-na, o tititi-nonosim boeo, neukose ala hapu he'di-laus ndia!” Lelek Gehazi kalua neme uma dale mai boema, ana hapu he'dis-sa nai loun-na – de loun-na, fula mangale'dok.

AYUB 21:25

Tehu hapu nggelok, mate no doi dosok, ana beita name'da nita, ua-nalek-ka fa.

MAZMUR 102:9

Fai katemak esa dalen-na, musu-a nakamumulu-nakamamaek au; hataholi fo lamanasa au-a ala tao au na'deng-nga, da'di na'dek nanasupa-sook.

MAZMUR 127:2

Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, Manetualain sadia basan ba'eneu sila fo Ana sue-lain so.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 78:33

Boema Manetualain tao nate'e so'dan-nala, sama leo ani hahaek-ka, sila teun-nala basan nai bibii-namata'uk-ka dalek.

PENGKHOTBAH 2:10

Basa au dale hihiing lala'en-na, au tao-an dai ma lena. Beita la'iesa fo au akatatakak au daleng-nga soaneu au ame'da ita namahoko-setelee beek ndia boen. Au daleng-nga namatau neu au sosota-mamangung buna-boan lala'en-na, de au ngga'ding-nga nde ndia.

PENGKHOTBAH 2:23

Su'di beek fo ana taon nai naso'dan-na dalek, ka'da neni doidosok ma dale he'dik ba'eneun. Nai fai le'odaen-na boeo, dalen-na ta tesa-tama fa. Da'di basa sila la mate'en-na manada'di taak.

PENGKHOTBAH 2:24

Ba'eneu hataholi daebafak-ka, ta hapu hata esa malolen-na lena neme nana'ak, nininuk mai fa, ma name'da nita ue-le'din buna-boan. Au ame'da ae ndia boeo, Manetualain baba'e-babatin.

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.