PENGKHOTBAH 5:13 - Susula Malalaok Hehelu Palak Ma Hehelu Beuk

¹³ Tehu hata-heto ndia mopon, nanahu susa-soe esa, de ana ta hapu la'oela hata esa boen soaneu anan-nala fa.

PENGKHOTBAH 5:13 ပူးပေါင်းရင်းမြစ်များ

KEJADIAN 14:16

Abram hapu kalo neni falik bua-lo'as, fo ala kalo lenik-kala, ma Lot no hata-heton lala'en-na, ma ina fe'e-fe'ek-kala, ma hataholi nanafook fe'ek-kala.

KEJADIAN 19:14

Boema, Lot neu leo anan duas faren-nala neu, de nafa'das nae, “Lai-lai kalua meme mamanak ia mai leona, nana neukose Manetualain tao nakalulutuk kota ia.” Tehu, laedaenga, Lot ka'da nakasoe ndia.

KEJADIAN 19:26

Tehu, Lot saon-na lipa leo dea neu, boema ana da'di dii masik.

AYUB 20:20

Hu kande tenepetan fo too-lanen ta ndia, de neukose, name'dan-nana, beita dai fa.

AMSAL 1:19

Memak hataholi fo, ana sanga so'dan-na nenik eno naseti-nalakak-ka, neukose ana baen nenik so'dan-na mesak-kana.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

AMSAL 23:4

Boso sota-mate, soaneu da'di hataholi kamasu'ik. Boso pake o dudu'a-aafim ndia.

AMSAL 27:24

nanahu su'i-betes-sa, neukose manasapu-manalalok, nakalenak koasa soaneu paleta boeo, neukose ta nahele losa dodoon-na fa.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 5:14

Bongi ita no makaholak; leondiak boe, ita la'oela daebafak ia, no ta teni hata esa boen, neme ita sosota-mamangun lala'en-na mai fa.

PENGKHOTBAH 8:9

Au ita basa ia-la, nai lelek au taoafik neu manada'dik manai daebafak ia lala'en-na. Nasi'a hataholi daebafak-ka pake koasan-na soaneu tao soe nonoo hataholin-na.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 19:8

Nai uman, Zakeos fo'a napadeik de nafa'da Yesus nae, “Lamatuak, au hata-heto ngala seli, neukose au fe hii kasa leo hataholi nuu ta-hata ta kala, ma see boe fo au ke'dindiu hain soona, neukose au bae fali kana la'i ha!”