PENGKHOTBAH 5:10 - Susula Malalaok Hehelu Palak Ma Hehelu Beuk

¹⁰ Hataholi esa su'i-beten boetai lamaba'uk-ka, boetai ana muse fe hataholi fe'ek ba'uk-ka la'a. Ta hapu nanalak ba'eneu manonuuk-ka fa, ka'da ana bubuluk nae ndia kamasu'ik

PENGKHOTBAH 5:10 ပူးပေါင်းရင်းမြစ်များ

MAZMUR 52:1

Soaneu mauli-malanga nakameek. Dauk nakamee nanolin-na,

MAZMUR 52:7

Tehu neukose, Manetualain tao namopo-namate o, losa dodoon-na; o nanaho'u-nak ma nanalele'a-lolosok neme o umam mai, ma nanatao namopo-namatek neme hataholi maso'dak-ka, daebafan-na mai.

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

PENGKHOTBAH 1:8

Basa-basan lala'en-na neni pela-maluak, ma pela-maluak ndia, ta hapu nafa'da-nala fan. Ita matan-na ta nakabete memetek fa; di'idook-ka ta pela namanenek fa.

PENGKHOTBAH 2:10

Basa au dale hihiing lala'en-na, au tao-an dai ma lena. Beita la'iesa fo au akatatakak au daleng-nga soaneu au ame'da ita namahoko-setelee beek ndia boen. Au daleng-nga namatau neu au sosota-mamangung buna-boan lala'en-na, de au ngga'ding-nga nde ndia.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

PENGKHOTBAH 3:19

Leomae leo beek boe, hataholi daebafak-ka ma buna-manu ua-nalen matak esa. Fo neukose mate esa, leondiak boe fe'e-fe'ek-kala. Duas nde been-na, sama-sama mahahaek mesan. Da'di, hataholi daebafak-ka ua-nalen ta lena neme bana-manu mai fa, nana ba'eneu duas, maso'dak ndia manada'di tak.

PENGKHOTBAH 4:16

Nauli-nalanga laun-nala, fafa'kama ta leke nala dede'un-nala fa, tehu ana la'o soona, ta hapu hataholi noke makasi soaneu nafandele tatao-nono'i malolen-na fa. Memak, basa-basan manada'di tak, sama leo sanga enok fo usi anin-na.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 5:9

Hataholi fo ana tenepeta doik-ka, name'da doin-na beita dai fa, ma hataholi fo namulu hata-heto, name'da nanalak-ka beita dai fa. Basa sila-la, manada'di tak.

PENGKHOTBAH 6:7

Hataholi daebafak-ka naue-nale'di ka'da soaneu na'a, tehu ana ta name'da nae dai so.

MATEOS 6:19

“Boso tunga sanga ka'da hata-heto daebafak, fo andae ma lulutu'ka hapu tao lalutus, ma nakodaa mai fo namanako ninis.

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

1 TIMOTIUS 6:10

Nana neme dale he'di doi ka mai de, basa tatao-nono'i mangalau mata-mata kala, ala da'di. Hapu hataholi nggelok, ala usi ka'da doi ka de, ala ta nau tunga hataholi Salani ka nanoli nala so'on. Hu ndia de, doidoso ka tao nakalulutuk dale nala.