PENGKHOTBAH 4:8 - Susula Malalaok Hehelu Palak Ma Hehelu Beuk

⁸ Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

PENGKHOTBAH 4:8 ပူးပေါင်းရင်းမြစ်များ

KEJADIAN 2:18

Boema, Manetualain nafa'da nae, “Metema hataholi-a, naso'da mesak-mesak-kana soona, ta malole fa. Au sanga tao fen manatulu-fali esa, nandaa noon.”

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 39:7

so'dan-na sapu-lalo sama leo salaok-ka. Ana nakalupu ka'da hata fo, sosoa-ndandaan ta; ana nakaduduluk hata-heto, tehu ana ta bubuluk see kande pake-nggao-nana fa.

AMSAL 27:20

Hapu mamanak tataas esa, nai hataholi manamatek-ka, daebafan-na; leondiak boe, hataholi daebafak-ka, dale hihiin-na ta hapu too-lanen fa.

PENGKHOTBAH 1:13

Au daleng-nga kisak soaneu palisak matalolole ma anoli no dudu'a-aafi manatee-tenok neu basa hata lala'en fo ana da'di nai daebafak ia. Ua-nalek fo Manetualain sadian ba'eneu ita, te'e-te'e neni dale he'dik.

PENGKHOTBAH 1:8

Basa-basan lala'en-na neni pela-maluak, ma pela-maluak ndia, ta hapu nafa'da-nala fan. Ita matan-na ta nakabete memetek fa; di'idook-ka ta pela namanenek fa.

PENGKHOTBAH 2:21

Nana hataholi daebafak-ka naue-nale'di losa pusen-na titi no ana pake basa manatee-tenon, malelan lala'en-na, fo ana hapu hata esa. Tehu neu mate'en-na te, neukose ana muse la'oela basa sosota-mamangaun buna-boan lala'en-na neu hataholi fo pusen-na ta titi makandondook soaneu ana hapu basa sila la. Da'di, ndia boeo manada'di taak, bai te tete'ek-ka ta ndoos ma matetuk fa!

PENGKHOTBAH 2:23

Su'di beek fo ana taon nai naso'dan-na dalek, ka'da neni doidosok ma dale he'dik ba'eneun. Nai fai le'odaen-na boeo, dalen-na ta tesa-tama fa. Da'di basa sila la mate'en-na manada'di taak.

PENGKHOTBAH 4:7

Bei hapu seluk manada'di tak nai maso'dak ia dalek.

PENGKHOTBAH 5:10

Hataholi esa su'i-beten boetai lamaba'uk-ka, boetai ana muse fe hataholi fe'ek ba'uk-ka la'a. Ta hapu nanalak ba'eneu manonuuk-ka fa, ka'da ana bubuluk nae ndia kamasu'ik

PENGKHOTBAH 5:9

Hataholi fo ana tenepeta doik-ka, name'da doin-na beita dai fa, ma hataholi fo namulu hata-heto, name'da nanalak-ka beita dai fa. Basa sila-la, manada'di tak.

YESAYA 5:8

Soe ba'eneu emi fo manaasa uma-la, ma malaka-ma tina-la, soaneu popo-tama seluk neu emi hata-hetom-mala! Ta dook-ka so'on te, ta hapu mamanak soaneu hataholi fe'ek-kala so'on fo ka'da emi nde leo nai nusak ndia.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

1 YOHANIS 2:16

Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.