PENGKHOTBAH 4:7 - Susula Malalaok Hehelu Palak Ma Hehelu Beuk

⁷ Bei hapu seluk manada'di tak nai maso'dak ia dalek.

PENGKHOTBAH 4:7 ပူးပေါင်းရင်းမြစ်များ

MAZMUR 78:33

Boema Manetualain tao nate'e so'dan-nala, sama leo ani hahaek-ka, sila teun-nala basan nai bibii-namata'uk-ka dalek.

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

PENGKHOTBAH 4:6

Fafa'kama dede'ak ndia la'en, tehu malole lenak hata-heto faa anak, sama-sama no dale manatesa-tamak-ka, neme naue-nale'di nenik liman duas, losa pusen-na titi ma usi anin-na.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”