PENGKHOTBAH 4:16 - Susula Malalaok Hehelu Palak Ma Hehelu Beuk

¹⁶ Nauli-nalanga laun-nala, fafa'kama ta leke nala dede'un-nala fa, tehu ana la'o soona, ta hapu hataholi noke makasi soaneu nafandele tatao-nono'i malolen-na fa. Memak, basa-basan manada'di tak, sama leo sanga enok fo usi anin-na.

PENGKHOTBAH 4:16 ပူးပေါင်းရင်းမြစ်များ

2 SEMUEL 19:9

Nale'a-napilik-ka da'di nai leo Israel-la lala'en-na. Lafa'da lae, “Mane Dauk-ka soi-tefa-nala ita teme hataholi Filistin-nala mai, ma ana soi-po'i ita tema musu fe'ek-kala mai so, tehu besak ia, nalai neme Absalom mai, de ana la'oela nusak ia so.

1RAJA-RAJA 1:40

Basa boema sila basa-basas benongo loon fali ma ala eki ma ala fuu kinuk, nalosa dae a nono'kabai sanga heaba'en nanahu eeiki natadalek ndia.

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 2:17

Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

PENGKHOTBAH 4:15

Au dudu'a-dodoo la'eneu basa hataholi manai daebafak ia, boema au ame'da ae tao leo bee-o, nai sila dalek, neukose hapu ta'eanak esa nggati manek-ka.